کسی بھی سیاست دان نے ملک کیلئے آج تک کچھ نہیں کیا۔سید ساجد مہدی سلیم
بورے والا(چوہدری اصغر علی جاوید سے)سابق چیئرمین سٹینڈنگ کمیٹی برائے سائنس و ٹیکنالوجی سید ساجد مہدی سلیم نے کہا ہے کہ گزشتہ 76 سالوں میں ملک کو سب سے زیادہ نقصان سیاسی لوگوں نے پہنچایا ہے اور کسی بھی سیاست دان نے ملک کیلئے آج تک کچھ بھی نہیں کیا ہے اگر کچھ کیا ہے تو اپنے لیے کیا اور اب حالات یہ ہیں کہ پاکستان کو اللہ تعالی کسی معجزے سے ہی ٹھیک کر سکتا ہے،کرپشن نے اس ملک کا ستیاناس کر دیا ہے ایک درجہ چہارم کے ملازم سے لیکر صدر تک ہر بندہ کرپشن میں ملوث ہے جس میں ہماری عوام بھی قصور وار ہے،ساری دنیا ترقی کر رہی ہے اور ہم دن بدن پیچھے جا رہے ہیں،ان خیالات کا اظہار انہوں نے گرو گرین نیٹ ورک اور انڈس کنسورشیم کے تعاون سے سوشل ویلفیئر اینڈ کمیونٹی ڈویلپمنٹ سوسائٹی کے زیر اہتمام پریس کلب میں منعقدہ پبلک فورم سے خطاب کرتے ہوئے کیا تقریب کی صدارت سابق پرنسپل گورنمنٹ کالج و معروف دانشور پروفیسر راشد سدھو نے کی پبلک فورم سے خطاب میں سید ساجد مہدی سلیم کا کہنا تھا کہ اگر انرجی سیکٹر کی بات کریں تو سب سے سستی بجلی پانی سے بنائی جا سکتی ہے لیکن ہمارے حکمرانوں نے ایسے بین الاقوامی معاہدے کئے کہ فرنس آئل سے مہنگی بجلی تیار کی جا رہی ہے جسے ہم نہ بھی خریدیں تو قیمت ادا کرنی پڑتی ہے اگر ہمارے حکمران چاہیں تو سستی بجلی پیدا کر کے عوام کو دے سکتے ہیں کالا باغ ڈیم کو سیاست کی بھینٹ چڑھا دیا گیا ہے جس پر قوم کے کھربوں روپے خرچ ہو چکے ہیں لیکن اس پر بھی سیاست کی جاتی ہے اگر ہمارے ملک میں یہی سیاست رہے گی تو دنیا ترقی کرے گی اور ہم بتدریج تنزلی کی جانب جاتے رہیں گے پبلک فورم سے سابق ممبر پنجاب اسمبلی سردار خالد محمود،سابق پرنسپل پروفیسر راشد سدھو نے خطاب کرتے ہوئے کہا کہ عوام مسائل کے حل کیلئے قوم کے شعور کی بیداری پر زور دیا انکا کہنا تھا کہ جب تک ہم ایک ذمہ دار اور محب وطن شہری کا کردار ادا نہیں کریں گے اس نظام کی درستی ممکن نہیں سماجی تنظیموں کے چاٹر آف ڈیمانڈ کے 5 مطالبات ہم اپنی اپنی جماعتوں کے منشور کا حصہ شامل کروائے گے تقریب سے صدر پریس کلب چوہدری اصغر علی جاوید،ایس ڈبلیو سی ڈی ایس کے صدر محمد شیر خاں کھچی،پی ٹی آئی کے سٹی صدر ملک فاروق احمد اعوان،سدھار ڈویلپمنٹ سوسائٹی کی چیئرپرسن صائمہ بتول،شعبہ ماحولیات زرعی یونیورسٹی کے پروفیسر ڈاکٹر محمد کاشف،جنرل سیکرٹری مرکزی انجمن تاجران شیخ عابد فاروق،ضلعی صدر مسلم لیگ(ن) منظور برکت ماڑی والا اور دیگر مقررین نے بھی خطاب کیا اس تقریب میں سابق ایم پی اے ملک نوشیر خاں لنگڑیال،سول سوسائٹی نیٹ ورک کے سیکرٹری کوآرڈینیشن سید زاہد حسین مشہدی،انجمن تاجران کے راو نور محمد،عثمان جمیل بھٹی،مسسز خالدہ روبین،ممبران چیمبر آف کامرس،تاجروں،وکلاء،صحافیوں اور دیگر سٹیک ہولڈرز نے شرکت کی۔
About Author
