شراب پی کر غل غپاڑہ کرنے والا تھانہ ساہوکا کا کانسٹیبل عوام کے ہتھے چڑھ گیا

بورے والا(چوہدری اصغر علی جاوید سے)شراب پی کر غل غپاڑہ کرنے والا تھانہ ساہوکا کا کانسٹیبل عوام کے ہتھے چڑھ گیا،نشے میں دھت کانسٹیبل کی لوگوں کو گالیاں،شہریوں کا کانسٹیبل کے اقدام کے خلاف ساہوکا چوک میں احتجاج ٹائر جلا کر روڈ بلاک کر دیا،کانسٹیبل کے خلاف تھانہ ساہوکا میں مقدمہ درج کر کے معطل کر دیا گیا۔ تفصیلات کے مطابق کے نواحی قصبہ ساہوکا میں شعبان چوک میں دن دیہاڑے شراب پی کر غل غپاڑہ کرنے اور گندی گالیاں دینے والا کانسٹیبل عوام کے ہتھے چڑھ گیا شہریوں کے مطابق نشے میں دھت پولیس کانسٹیبل نے گل گپاڑہ کرتے ہوئے عوام کو سر عام غلیظ گالیاں دیں کانسٹیبل کے اس شرمناک اقدام کے خلاف مقامی شہریوں نے اکھٹے ہو کر شعبان چوک میں ٹائر جلا کر احتجاج کیا اور اسے پکڑ کر پولیس کے حوالے کر دیا ڈی پی او وہاڑی کے حکم ہر کانسٹیبل ارشد طور کے خلاف مقدمہ درج کر کے اسے معطل بھی کر دیا گیا اس موقعہ پر شہریوں کا کہنا ہے کہ ڈسٹرکٹ پولیس آفیسر وہاڑی محمد عیسیٰ خان سکھیرا ضلع بھر میں منشیات فروشوں کے خلاف کاروائیاں کر رہے ہیں اور منشیات کے عادی افراد کے علاج معالجے کیلئے ری ہیبلیٹش سنٹر قائم کر رہے ہیں جو کہ ایک احسن اقدام ہے جبکہ ہمارے اس علاقے میں منشیات فروشی کا مکروہ دھندہ ہو رہا ہے یہی وجہ ہے کہ ساہوکا تھانہ کے علاقے میں منشیات فروشوں کے خلاف چیک اینڈ بیلنس نہ ہو نے منشیات فروشی ہو رہی ہے اور اس کے اثرات تھانہ میں بھی پہنچ گئے ہیں جس کی وجہ سے یہ واقع رونما ہوا ہے ایسی کالی بھیڑوں کی وجہ سے محکمہ کی شہرت خراب ہو رہی ہے۔