عاشقان رسول ناموس رسالت کی خاطر جانوں کی قربانی دینے سے گریز نہیں کریں گے۔سید محفوظ الحق شاہ

بورے والا(چوہدری اصغر علی جاوید سے)جماعت اہلسنت اور تحریک لبیک یارسول اللہ صلی اللہ علیہ وسلم کے زیر اہتمام فیض آباد میں جاری احتجاجی دھرنے سے اظہار یکجہتی کے لئے مدرسہ احیاءالعلوم چیچہ وطنی روڈ سے پریس کلب کالج روڈ تک احتجاجی ریلی نکالی گئی جس میں سینکڑوں عاشقان مصطفی شریک ہوئے،ریلی کے اختتام پر پریس کلب کے سامنے منعقدہ احتجاجی جلسہ سے خطاب کرتے ہوئے جماعت اہلسنت کے مرکزی راہنما بزرگ عالم دین صاحبزادہ سید محمد محفوظ الحق شاہ نے کہا کہ کل قومی اسمبلی کا متفقہ طور پر سیون بی اور سیون سی کو بحال کرنا علامہ خادم حسین رضوی کی قیادت میں جاری دھرنا عظیم کامیابی ہے اگر قانون تحفظ ختم نبوت میں تبدیلی کے ذمہ دار زاہد حامداور صوبائی وزیر قانون رانا ثناءاللہ کو فوری طور پر برطرف کر کے ان کے خلاف گستاخی رسول کی دفعات کے تحت مقدمہ درج نہ کیا گیا تو ملک بھر احتجاج جاری رہے گا تاکہ آئندہ کسی حساس معاملات میں دخل اندازی کی جرات نہ ہو حکومت ہمارے مطالبات فوری تسلیم کرے اور شرکاءدھرنا پر ہر قسم کی جارحیت سے گریز کرے ورنہ پوری پاکستانی قوم سڑکوں پر ہو گی وفاقی وزراءروزانہ نہتے شرکاءدھرنا کو دھمکیاں لگاتے ہیں حکومت کے ان اوچھے ہتھکنڈوں سے محبت رسول کم نہیںہو سکتی اور عاشقان رسول ناموس رسالت کی خاطر جانوں کی قربانی دینے سے بھی گریز نہیں کریں گے یہود و نصاریٰ اور انکے ایجنٹ یاد رکھیں پاکستان میں صرف حضور صلی اللہ علیہ وسلم کا دین چلے گا مظاہرے سے صاحبزادہ سید محمد محمود الحق شاہ،رانا نصر اللہ خاں ایڈووکیٹ،مولانا علی رضا قادر ی،مولانا سراج دین،قاری کبیر احمد قادری،سید اظہار الحق شاہ اور دیگر علماءاکرام نے بھی خطاب کیا۔