تنخواہ کی رقم مانگنے پر زمیندار نے نوکر کی استرے سے مونچھیں اور بھنویں مونڈ ڈالیں

بورے والا(چوہدری اصغر علی جاوید سے)تنخواہ کی رقم مانگنے پر زمیندار نے نوکر کو کمرے میں بند کر کے بیہمانہ تشدد کے بعد استرے سے مونچھیں اور بھنویں مونڈ ڈالیں،نوکر کو ایک روز تک کمرے میں بند کر کے رسیوں سے جکڑ کر تشدد کا نشانہ بناتا رہا،ملازم کو قتل کر کے اس کا الزام گاﺅں کے نمبردار پر ڈالنے کا منصوبہ ناکام،پولیس نے مقدمہ درج کر کے کاروائی شروع کر دی، تفصیلات کے مطابق چک 321ای بی کے کھیت مزدور عبدالمجید میر عالم نے بتایا کہ وہ عرصہ 9 سال سے گاﺅں کے زمیندار عامر سکھیرا کے ہاں ملازم تھا گذشتہ شام وہ عامر کی بیٹھک کے سامنے کھڑا تھا کہ اسی اثناءمیں محمد عامر سکھیرا اور عمر ولد ریاض سکھیرا مسلح پسٹل وہاں آ گئے اور اسلحہ کے زور پراپنی حویلی مویشیاں میں لے گئے عمر نے زدوکوب کرنا شروع کر دیا اور رسیوں سے باندھ کر حویلی کے ایک کمرہ میں پھینک کر دروازہ بند کر دیا اور اپنے ملازموں سے کہا کہ جب یہ نوکر مرجائے تو اسے اٹھا کر پھینک دیں اور اس کی موت کا الزام نمبرداروں پر لگا دیں گے دوسرے روز نماز مغرب کے بعد مذکورہ ملزمان اپنے دو نا معلوم ساتھیوں کے ہمراہ وہاں آ گئے اور مجھے نیم بے ہوش حالت میں زندہ دیکھ کر بال صفا پاﺅڈر کے ذریعہ کپڑے سے سر اور بھنویں کے بال رگڑنا شروع کر دیا جب بال نہ اترے تو انہوں نے استرے سے تمام بال، بھنویں،مونچھیں اور داڑھی مونڈدی اور مجھے باہر پھینک دیا پولیس تھانہ ساہوکا نے میڈیکل رپورٹ کی روشنی میں ملزمان کے خلاف زیر دفعہ 34,337V,342ت پ مقدمہ درج کر کے تفتیش شروع کر دی۔