سردی کے موسم میں موجودہ سموگ کی وجہ سے گلے اور سانس کی بیماریوں میں اضافہ ہو رہا ہے۔ڈاکٹر خالد چوہدری
بورے والا(چوہدری اصغر علی جاوید سے)ماہر امراض ناک،کان اور گلہ میڈیکل آفیسر ٹی ایچ کیو ڈاکٹر خالد محمود چوہدری نے کہا ہے کہ سردی کے موسم میں موجودہ سموگ کی وجہ سے گلے اور سانس کی بیماریوں میں اضافہ ہو رہا ہے اس صورتحال میں ادویات کا سہارا لیئے بغیر احتیاطی تدابیر اختیار کر کے ہم بیماریوں کا باآسانی مقابلہ کر سکتے ہیں،موسم سرما اور سموگ کے دوران ہمیں گرم مشروبات قہوہ،چائے،سوپ اور پروٹین والی غذائی کا زیادہ استعمال کرنا چاہیئے،پانی کا بار بار استعمال بھی بہت ضروری ہے چہرے پر ناک اور منہ کو ماسک سے ڈھانپ کر رکھیں دن میں ایک دو مرتبہ نمک ڈال کر نیم گرم پانی سے غرارے کریں ٹھنڈی،کھٹی،تلی ہوئی اور تیز مصالحہ جات والی اشیاءسے پرہیز کریں ان اختیاطی تدابیر کو اختیار کرکے ہم ادویات اور علاج سے بچ سکتے ہیں،ان خیالات کا اظہار انہوں نے میڈیا سے گفتگو کرتے ہوئے کیا انہوں نے کہا کہ سموگ اور ماحولیاتی آلودگی کی وجہ سے سانس لیتے وقت مشکلات کے علاوہ سینے اور گلے کے امراض بہت سے بڑھ رہے ہیں موسم کی تبدیلی کے ساتھ ہمیں احتیاطی تدابیر اختیار کرنا چاہئے۔
About Author
