موجودہ وزیر اعظم شاہد خاقان عباسی کا طرز حکومت پاکستانی قوم کے لیے انتہائی شرمناک ہے ۔ مولانا محمد اجمل قادری
بورے والا(چوہدری اصغر علی جاوید سے)جمعیت علماءاسلام (س)کے مرکزی سرپرست اعلیٰ مولانا محمد اجمل قادری نے کہا ہے کہ موجودہ وزیر اعظم شاہد خاقان عباسی کا طرز حکومت پاکستانی قوم کے لیے انتہائی شرمناک ہے وہ مسلم لیگی خاندان کے ذاتی ملازم کے طور پر کام کر رہے ہیں اُن کے لیے اخراجات کو کم کرنا،جمہوری اقدار کو آگے لے جانا اور قومی سلامتی کے تقاضوں پر پورا اُترنا ایک بڑا مسئلہ بن چکا ہے،نیب میں میاں نواز شریف کے خلاف تمام ریفریسنسز کو یکجا کرنے کا عدالتی فیصلہ انصاف کے تقاضوں کے مطابق ہے آئندہ عام انتخابات اگر جنوری 2018میں ہو جاتے ہیں تو ملک اقتصادی بدحالی سے دوچار ہونے سے بچ سکتا ہے ملک کی موجودہ اقتصادی صورتحال کے ذمہ دار اسحاق ڈار اور نیشنل بنک کے سابق صدر ہیں جو اب اسحاق ڈار کے خلاف وعدہ معاف گواہ بن چکے ہیں اور انہوں نے اسحاق دار سے ملکر ڈالر کی قیمت کو مصنوعی طریقہ سے برقرار رکھا موجود حکومت کے چند قومی مجرموں نے ختم نبوت کے طے شدہ مسئلے کو از سر نو ابھار کر اپنے عزائم سے پردہ اُٹھایا ہے اور آئین سے غداری کے مرتکب ہوئے ایسے قومی مجرموں کو کیفرکردار تک پہنچانا بہت ضروری ہے آئندہ الیکشن سے قبل ایم ایم اے بحال کرکے تمام دینی جماعتیں مشترکہ لائحہ عمل کے تحت امیدوار سامنے لائیں گی ملکی سیاست میں تیسرا بلاک ہونا ناگریز ہے،ان خیالات کا اظہار انہوں نے جمعیت علماءاسلام(س)ضلع وہاڑی کے امیر حکیم محمد جاوید اقبال کی رہائش پر مختصر قیام کے دوران کارکنان سے ملاقات کے بعد میڈیا سے گفتگو کرتے ہوئے کیا انہوں نے کہا کہ عمران خان کا طرز سیاست بچگانہ ہے اُنکی طرف سے مولانا فضل الرحمن پر الزامات نے سیاسی ماحول کو گندہ کر دیا ہے قومی قیادت کو غیر اخلاقی گفتگو زیب نہیں دیتی میاں نواز شریف نے قومی اسمبلی میں خطاب کے بعد سپریم کورٹ سے پانامہ کیس پر کمیشن بنانے کا کہہ کر خود اپنے پاﺅں پر کلہاڑی ماری ہے کیونکہ یہ مسئلہ پارلیمنٹ میں حل ہونا چاہئے تھا سیاسی مسئلوں کا حل صرف پارلیمنٹ ہی ہوتا ہے پیپلز پارٹی اور (ن)لیگ کی بقاء ایک دوسرے کے ساتھ اتحاد میں ہے اسکے بغیر انکی سیاسی بقاءکو شدید خطرات لاحق ہیں اس موقع پر امیر عالمی انجمن خدام الدین شیخ محمد ارشاد،امیر جی یو آئی(س)جھنگ مولانا ریاض الحق قادری، شیخ محمد یوسف،شہباز احمد بھٹی،بابا محمد ارشد،محمد نواز بھٹی اور دیگر علماءکرام و کارکنان بھی موجود تھے۔
About Author
