خصوصی بچے ہمارے معاشرے کا قیمتی اثاثہ ہیں ۔ رانا محمد سرور ، ڈاکٹر سہیل عزیز

بورے والا(چوہدری اصغر علی جاوید سے)ممتاز ماہر تعلیم (ر)سنیئر ہیڈ ماسٹر رانا محمد سرور نے کہا ہے کہ خصوصی بچے ہمارے معاشرے کا قیمتی اثاثہ ہیں ان پر توجہ دیکر ہم اُن میں چھپی ہوئی صلاحیتوں کو اجاگر کرکے انہیں معاشرے کا ایک ذمہ دار شہری بنا سکے،ان کی محرومیوں کے ازالہ کے لیے اپنی خدمات انجام دینے والے افراد بھی لائق تحسین ہیں خصوصی بچوں کو اگر اللہ تعالیٰ نے کسی ایک نعمت سے محروم رکھا ہے تو اُسکے مقابلہ میں انہیں گوناں گوں صلاحیتوں سے بھی نوازا ہے خصوصی بچونکے کے لیے پرائیویٹ سیکٹر سے سہولیات کی فراہمی قابل ستائش اقدام ہے،ان خیالات کا اظہار انہوں نے معروف پتھالوجسٹ سماجی شخصیت ڈاکٹر سہیل عزیز کی جانب سے سپیشل ایجوکیشن سکول کے بچوں کے لیے تیار کئے گئے ایک منفرد ایکٹویٹی روم کی افتتاحی تقریب سے خطاب کرتے ہوئے کیا تقریب سے خطاب کرتے ہوئے ڈاکٹر سہیل عزیز نے کہا کہ خصوصی بچونکو ہم اپنے بچونکی طرح تعلیم کے حصول میں مطلوبہ سہولیات کی فراہم یقینی بنانے میں اپنے وسائل اور خدمات کو بروئے کار لاتے رہیں گے محرومیوں کا شکار یہ بچے ہماری تھوڑی سی توجہ سے معاشرے کے دیگر بچوں کی طرح ہر شعبہ زندگی میں اپنی خدمات انجام دینے کے قابل ہوسکتے ہیں تقریب سے (ر)ہیڈماسٹر چوہدری بشیر احمد،پی ایس اے کے میاں صہیب عالم،محمد لطیف خلجی اور دیگر مقررین نے بھی خطاب کیا اس موقع پر سکول انتظامیہ اور دیگر نمائندہ شخصیات نے ڈاکٹر سہیل عزیز کی اس کاوش پر انہیں خراج تحسین پیش کیا۔