لیگی ایم پی اے چوہدری ارشاد آرائیں کی ایم این اے چوہدری نذیر آرائیں اور ایم پی اے یوسف کسیلیہ پر کڑی تنقید

بورے والا(چوہدری اصغر علی جاوید سے)آئندہ الیکشن کے لئے سیاسی سرگرمیوں کا آغاز،نواحی گاﺅں 132ای بی ٹو بی آر میں لیگی ایم پی اے چوہدری ارشاد احمد آرائیں کی لیگی ایم این اے چوہدری نذیر آرائیں اور ایم پی اے گگو منڈی یوسف کسیلیہ پر کڑی تنقید،دو سال قبل شروع ہونے والی سڑک کی تعمیر میں تاخیر متعلقہ ارکان اسمبلی کی عدم دلچسپی کا نتیجہ قرار دے دیا،لیگی ایم پی اے یوسف کسیلیہ کی طرح کسی پر ناجائز مقدمات نہیں کروائے،چوہدری ارشاد آرائیں،تفصیلات کے مطابق نواحی گاﺅں 132ای بی ٹو بی آر کی معروف سیاسی شخصیت چوہدری پرویز اقبال (فرام کوئٹہ) اور چوہدری مظہر اقبال نمبردار کی طرف سے مسلم لیگ(ن) ایم پی اے بورے والا چوہدری ارشاد احمد آرائیں اور امیدوار صوبائی اسمبلی حلقہ پی پی 232 چوہدری عمران ارشاد ارائیں کے اعزاز میں عشائیہ دیا گیا اس تقریب سے خطاب کرتے ہوئے ممبر صوبائی اسمبلی چوہدری ارشاد احمد آرائیں نے کہا کہ کبھی کسی مخالف کو سیاسی انتقام کا نشانہ بنانے والے اور مقدمات کی سیاست کرنے والے کبھی کامیاب نہیں ہو سکتے میں نے اپنے حلقہ میں ہمیشہ عوام کےاجتماعی مفاد کو اولین ترجیح دی ہے اور پوری دیانتداری سے مخلص ہو عوام کی خدمت کی ہے گزشتہ سال حلقہ 232 کے ضمنی الیکشن میں حلقہ ٹو بی آر کے لوگوں نے میری آواز پر لبیک کہتے ہوئے یوسف کسیلیہ کو ووٹ دیئے ووٹ دیکر کامیاب بنایا لیکن ایم پی اے اور ایم این اے نے ووٹ لینے کے بعد عوام سے رابطہ ختم کر دیا ایم این اے کے فنڈز سے دوسال قبل سڑک کی تعمیر کا منصوبہ شروع ہوا جو کہ ارکان اسمبلی کی عدم دلچسپی سے تاحال مکمل نہیں ہو سکا اور درجنوں دیہات کے عوام کے لئے سر درد بن چکا ہے ہم نے ضمنی الیکشن میں حلقہ کے عوام سے جو وعدے کئے تھے ان کی تکمیل کے لئے میں نے اپنے فنڈز سے ترقیاتی کام کروانے کی کوشش کی لیکن ایم پی اے نے اس میں بلاجواز رکاوٹ ڈال دی لیگی ایم این اے چوہدری نزیر آرائیں نے ایک فرد کو خوش کرنے کے لیے لاکھوں روپے کے فنڈ ضائع کیے جن کے خلاف حلقہ کے عوام نےحکم امتناعی حاصل کر لیا ہے انہوں نے لیگی ایم پی اے چوہدری یوسف کسیلیہ کو تنقید کا نشانہ بناتے ہوئے کہا کہ میں نے آج تک انکی طرح کسی پر ناجائز مقدمات نہیں کروائے اور گزشتہ ضمنی الیکشن میں پارٹی قیادت کی ہدایت پر چوہدری یوسف کسیلیہ کی حمایت کی تھی اور انہیں کامیاب کروایا تھا لیکن انہوں نے کامیاب ہونے کے بعد اس علاقہ کے عوام کے مسائل حل کرنے کی بجائے انہیں یکسر نظر انداز کیا جس پر عوام میں انکے بارے میں شدید تحفظات پائے جاتے ہیں اس لئے میں نے آئندہ الیکشن میں اس حلقہ سے اپنے بیٹے عمران ارشاد کو امیدوار لانے کا فیصلہ کیا ہے تقریب میں امیدوار صدر بار ملک فرقان یوسف کھوکھر،چوہدری ذوالفقار احمد ایڈوکیٹ،محسن عزیز گجر،رانا غلام مرتضی،چوہدری محمد آصف ایڈوکیٹ،میاں زاہد رسول،چوہدری خورشید احمد،ایاز محمود گھمن،چوہدری محمد افضل،چوہدری افتخار احمد اور مولانا حافظ راﺅ منور احمدخاں کے علاوہ دیگر معززین علاقہ کی کثیر تعداد بھی موجود تھی۔