پنجاب کالج نے غیر نصابی سرگرمیوں میں اپنا لوہا منوایا ہے۔حافظ فدا حسین

بورے والا(چوہدری اصغر علی جاوید سے)پنجاب کالج بورے والا کی سالانہ تقریب تقسیم انعامات،پوزیشن ہولڈرز اور مختلف اداروں میں اعلی تعلیم حاصل کرنے والے طلباء و طالبات میں ایوارڈز کی تقسیم،کالج کے طلباء و طالبات نے خوبصورت ٹیبلو پیش کئے اور جمناسٹک کے مظاہرے بھی کئے،تفصیلات کے مطابق پنجاب کالج کینال کیمپس میں سالانہ تقریب تقسیم انعامات منعقد ہوئی جس کے مہمان خصوصی ڈپٹی سیکرٹری فنانس ملتان بورڈ حافظ فدا حسین جبکہ مہمان اعزاز ڈائریکٹر پنجاب کالج اوکاڑہ زون عرفان الحق تھے تقریب کی صدارت ڈائریکٹر پنجاب کالج وہاڑی زون پروفیسر مجید اکبر نے کی تقریب میں کالج کے طلباء و طالبات نے خوبصورت ٹیبلو پیش کئے اور جمناسٹک کے مظاہرے بھی کئے تقریب میں پرنسپل پنجاب کالج شیخ ایاز مشتاق،پرنسپل گورنمنٹ کالج پروفیسر ڈاکٹر محمد اکرم،پرنسپل زرعی یونیورسٹی بورے والا کیمپس پروفیسر ڈاکٹر محمد ندیم ساجد،صدر وہاڑی چیمبر آف کامرس میاں خالد حسین،ڈائریکٹر مریم گرلز کالج پروفیسر جاوید اقبال،(ر) پرنسپل گورنمنٹ کالج پروفیسر خوشی محمد شہزاد،پرنسپل گورنمنٹ کالج ڈاکٹر محمد اکرم،چیف ایگزیکٹو بورے میڈیکل سنٹر ڈاکٹر عبدالحفیظ میاں،پرنسپل دی سٹی سکول محمد امجد اور دیگر نمائندہ شخصیات نے شرکت کی تقریب سے خطاب کرتے ہوئے ڈپٹی سیکرٹری فنانس ملتان بورڈ حافظ فدا حسین نے کہا کہ ایسے تعلیمی ادارے جو تعلیم کے ساتھ ساتھ نئی نسل کی بہتر تربیت پر توجہ دے رہے ہیں وہ قابل ستائش ہیں نجی سیکٹر میں پنجاب کالج نے تعلیمی میدان میں جو انقلاب برپا کیا ہے اس سے نئی نسل کو ناصرف ملکی بلکہ بین الاقوامی سطح پر بھی جدید تعلیم کے حصول میں مدد مل رہی ہے پنجاب کالج نے تعلیم کے ساتھ ساتھ غیر نصابی سرگرمیوں میں بھی اپنا لوہا منوایا ہے تقریب سے خطاب میں ڈائریکٹر پنجاب کالج پروفیسر عرفان الحق اور پروفیسر مجید اکبر نے کہا کہ پنجاب کالج نے امسال ہائی اچیور طلباء و طالبات کو میڈیکل اور انجینئرنگ کی اعلی تعلیم کے حصول کیلئے ڈیڑھ کروڑ روپے سے زائد کے سکالر شپ جاری کئے ہیں جبکہ انٹری ٹیسٹ کی تیاری کیلئے بھی ذہین طلباء و طالبات کو وظائف دیئے جا رہے ہیں والدین کو کالج سے متعلق شکایات کیلئے پہلی مرتبہ آن لائن ایپ کے ذریعے شکایات درج کروانے کا نظام متعارف کروایا گیا ہے تقریب سے انچارج شعبہ اردو پروفیسر غزالہ خضر نے بھی خطاب کیا۔