پاکستان کسان اتحاد کھاد مافیا،واپڈا اور آٹا مافیا کے خلاف سراپا احتجاج بن گیا

بورے والا(چوہدری اصغر علی جاوید سے)پاکستان کسان اتحاد کھاد مافیا،واپڈا اور آٹا مافیا کے خلاف سراپا احتجاج بن گیا،محکمہ فوڈ کے ذمہ داران کی ملی بھگت سے آٹے کی بندر بانٹ،کھاد مافیا نے کسانوں کی کمر توڑ دی،واپڈا کے بھاری بل اور بلاجواز جرمانوں سے کسانوں کا صبر جواب دے گیا ہے،تفصیلات کے مطابق پاکستان کسان اتحاد کے مرکزی صدر ملک ذوالفقار اعوان کی زیر صدارت کسانوں کا ایک ہنگامی اجلاس منعقد ہوا جس سے خطاب کرتے ہوئے ملک ذوالفقار اعوان نے کہا کہ کسان اور عام آدمی کو ملک میں مافیاز نے جینے کے قابل نہیں چھوڑا آٹے پر دی جانے والی سبسڈی میں محکمہ فوڈ کے مقامی افسران اور فلور ملز مالکان کے گٹھ جوڑ نے من پسند دوکانداروں کو نوازتے ہوئے آٹے کی بندر بانٹ کی انتہاء کر دی غریب آٹے کے حصول کیلئے مارا مارا پھرتا ہے عام دوکانوں پر سرکاری آٹا مہنگے داموں فروخت ہوا جس پر انتظامیہ نے بھی کوئی کاروائی نہ کی واپڈا کی طرف سے کسانوں کو بھاری بل اور بلاجواز جرمانے برداشت سے باہر ہو چکے ہیں جبکہ کھاد مافیا نے کھاد بلیک میں فروخت کرتے ہوئے کسانوں کا لوٹا کھاد نہ ملنے سے گندم کی فصل متاثر ہوئی جس سے آئندہ سال ملک میں غذائی بحران پیدا ہو گا ان حالات میں کسانوں اور عام آدمی کا صبر جواب دے چکا ہے اب اگر حکومت اور مقامی انتظامیہ نے کسانوں کو درپیش مشکلات کا کوئی فوری حل نہ نکالا تو ملک گیر احتجاج کی کال دیں گے اجلاس میں چوہدری مہران علی،محبوب منہاس،شمشاد جٹ،ثناء اللہ،طیب واہلہ،محمد ابصار،ملک شاہد اور دیگر کسان راہنماء بھی موجود تھے۔