مہنگائی کا طوفان اور ٹیکسوں کی بھر مار سے ہر شخص متاثر ہے۔شیخ محمد سلیم

بورے والا(چوہدری اصغر علی جاوید سے)مرکزی انجمن تاجران ضلع وہاڑی کے صدر شیخ محمد سلیم اور ضلعی جنرل سیکرٹری میاں محمد ساجد آصف نے کہا ہے کہ حکمرانوں کو اگر موجودہ معاشی بحران سے نکلنا اور ملک چلانا نہیں آتا تو تاجروں سے سیکھیں ہم نے چھوٹے کاروبار کو کیسے بڑا کیا ہے جبکہ حکمرانوں نے ایک مضبوط معیشت کو کیسے تباہ کیا مہنگائی کا طوفان اور ٹیکسوں کی بھر مار سے ہر شخص متاثر ہے،آئی ایم ایف کا خوف دلا کر ہم پر ٹیکسوں کا بوجھ ڈالا جا رہا ہے حکمران اپنے وزیروں مشیروں کی آسائشوں میں کمی لائیں وہ بوجھ ہم پر نہ ڈالیں اب قوم میں یہ بوجھ اٹھانے کی سکت نہیں رہی،حکمران اپنے اخراجات کم کریں تاجر اور عام آدمی کو ٹیکسوں اور مہنگائی کے بوجھ تلے نہ دبایا جائے تاجروں کے حقوق کا تحفظ ہماری اولین ترجیح ہے موجودہ حالات میں تاجر اور عام آدمی مہنگائی کی چکی میں پس رہے ہیں ٹیکسوں کا بوجھ اٹھانے کے قابل نہیں ہمیں اپنے حق کیلئے متحد ہونا پڑے گا،ان خیالات کا اظہار انہوں نے بورے والا میں ضلعی نائب صدر حاجی محمد حسین کی جانب سے انکی رہائش گاہ پر عہدیداران کے اعزاز میں دیئے گئے عشائیہ سے خطاب کرتے ہوئے کیا تقریب سے صدر مرکزی انجمن وہاڑی ارشاد حسین بھٹی،جنرل سیکرٹری وہاڑی راؤ خلیل احمد،تحصیل صدر بورے والا محمد صغیر رامے،جنرل سیکرٹری شیخ عابد فاروق،چیئرمین چاچا حاجی محمد اسلم،ضلعی ڈپٹی سیکرٹری اطلاعات حافظ محمد ابوسفیان حنفی اور قاسم شاکر نے بھی خطاب کیا جبکہ سینئر نائب صدر بورے والا راؤ نور محمد خان،سرپرست اعلیٰ حاجی عاشق علی آرائیں،ضلعی نائب صدور چوہدری عاطف،محمد عرفان گجر،وائس چیئرمین ضلع وہاڑی شیخ اعظم سلطان،نائب صدر عثمان جمیل بھٹی،صدر صرافہ ایسوسی ایشن وہاڑی حاجی نوید اختر،شیخ محمد امجد انصاری صدر صرافہ ایسوسی ایشن میلسی،چوہدری زاہد جاوید ضلعی ایڈیشنل سیکرٹری وہاڑی،ضلعی آفس سیکرٹری رانا فیض رسول،گگو منڈی کے صدر نصراللہ جٹ اور تمام ذیلی تنظیموں کے عہدیداران نے بھی شرکت کی تحصیل بھر سے آئے ہوئے عہدیداران نے چوہدری صغیر رامے اور جنرل سیکرٹری شیخ عابد فاروق کی قیادت پر بھرپور اعتماد کا اظہار کیا۔