گورنمنٹ ہائی سکول داد جملیرا میں چار روزہ فروغ تقریبات،طلباء و اساتذہ کی بھرپور شرکت
بورے والا(چوہدری اصغر علی جاوید سے)گورنمنٹ ہائی سکول داد جملیرا میں چار روزہ فروغ تقریبات،طلباء و اساتذہ کی بھرپور شرکت،ثقافت سے محبت کے اظہار کیلئے پگڑی اور دھوتی پہن کر سکول آئے،طلباء میں انعامات بھی تقسیم کئے گئے،تفصیلات کے مطابق سکول ایجوکیشن ڈیپارٹمنٹ جنوبی پنجاب کی ہدایات کی روشنی میں گورنمنٹ ہائی سکول داد جملیرا میں 4 روزہ فروغ تقریبات کا انعقاد کیا گیا تقریبات میں طلباء اور اساتذہ نے بھرپور جوش و خروش سے حصہ لیا ان تقریبات کا افتتاح سینئر ہیڈ ماسٹر چوہدری محمد طاہر نے کیا اس موقع پر دیگر اساتذہ کرام بشیر احمد جملیرا،سعید احمد،محمد دین،مختار احمد،محمد رفیق مظہری،محمد عمران،فاروق احمد،غلام نبی،محمد اختر،محمد رفیق شاد،سکول سٹاف محمد عبداللہ،عبدالغفور،جعفر حسین اور محمد انور بھی موجود تھے چار روز تک جاری رہنے والی فروغ تقریبات میں طلبہ نے مضمون نویسی،تقریری مقابلہ جات،سکول و کلاسز کی تزئین و آرائش،کچن گارڈننگ،گرین سکول،سٹیم،ماڈل،ڈرائنگ پروجیکٹس،کوئزپروگرام اور مشاعرے میں بھرپور شرکت کی اور اپنے جوہر دکھائے آخری روز ہونے والے سپورٹس گالا میں رکاوٹی دوڑ،بوری دوڑ،رسہ کشی،پٹھو گرام ،گلی ڈنڈا،میںنڈک دوڑ اور چمچ دوڑ کے علاوہ کرکٹ اور والی بال کے مقابلوں کا بھی انعقاد کیا گیا ان تقریبات میں طلباء نے اپنی ثقافت سے محبت کے اظہار کیلئے سکول کے اندر ڈیرے بنا کر پنجابی ثقافت کا مظاہرہ کیا طلباء اپنے ساتھ پالتو جانور بکریاں،بلی،مرغیاں،کبوتر اور تیتر بھی لیکر آئے طلباء نے پنجاب کی ثقافت کو اجاگر کرنے کیلئے دھوتی اور پگڑی پہن کر اپنے پنجابی ہونے پر فخر کا اظہار کیا اس موقع پر طلبہ نے ڈھول کی تھاپ پر روائیتی جھومر،بھنگڑا اور دھمال ڈال کر خوب ہلہ گلہ کیا جوش و خروش سے منائی جانے والی تقریبات میں آخری روز اعلیٰ کارکردگی کا مظاہرہ کرنے والے طلباء کے درمیان سینئر ہیڈ ماسٹر چوہدری محمد طاہر اور دیگر اساتذہ کرام نے انعامات تقسیم کیے سینئر ماسٹر چوہدری محمد طاہر نے خطاب کرتے ہوئے طلباء اور اساتذہ کی کارکردگی کو سراہا اور انہیں تعلیم کے میدان میں بھی اسی طرح اعلیٰ کارکردگی کی روایات کو برقرار رکھنے کی تلقین کی۔
About Author
