ملکی بقاء اور سلامتی اور جمہوری عمل میں شفافیت کے لیے اپوزیشن لیڈر کی تبدیلی ناگزیر ہو چکی ہے ۔ جہانگیر خاں ترین
بورے والا(چوہدری اصغر علی جاوید سے)تحریک انصاف کے مرکزی جنرل سیکرٹری جہانگیر خاں ترین نے کہا ہے کہ ملکی بقاءاور سلامتی اور جمہوری عمل میں شفافیت کے لیے اپوزیشن لیڈر کی تبدیلی ناگزیر ہو چکی ہے جبکہ ساڑھے چار سال تک فرینڈلی اپوزیشن کا کردار ادا کرنے پر اب (ن)لیگ خورشید شاہ کو ہی اپوزیشن لیڈر دیکھنا چاہتی ہے جس کے لیے زرداری اور مدادی میدان میں آ چکے ہیں لیکن اپوزیشن ارکان کی اکثریت اس مک مکا کی سیاسی کا خاتمہ چاہتی ہے جس کے لیے وہ پی ٹی آئی کے ساتھ مکمل رابطے میں ہیں اگر اب بھی اپوزیشن ارکان نے دانشمندی کا مظاہرہ نہ کیا تو ملک میں نظام کی تبدیلی کے لیے عوامی انقلاب کا راستہ ہموار ہو جائے گا چوری میں پکڑے جانے والوں کی اب یہ کوشش ہے کہ اپنے حواریوں کو ساتھ ملا کر دوبارہ ملکی اداروں پر اپنے درباری بٹھا دئیے جائیں لیکن حکومت کا یہ خواب انشاءاللہ ہم پورا نہیں ہونے دیں گے،ان خیالات کا اظہار انہوں نے انصاف لائرزونگ جنوبی پنجاب کے جنرل سیکرٹری امیدوار قومی اسمبلی حلقہ این اے 167سردار خالد نثار ڈوگر کی قیادت میں ملنے والے پی ٹی آئی کے وفد سے گفتگو کرتے ہوئے کیا انہوں نے کہا کہ آئندہ الیکشن کے لیے پارٹی کا پارلیمانی بورڈ ایسے امیدواروں کو ٹکٹ جاری کرے گا جو عوام میں مقبول ہونے کے ساتھ ساتھ پی ٹی آئی ورکرز کے دلوں کی آواز ہونگے پارٹی میں رھ کر تنقید ہر کسی کا جمہوری حق ہے لیکن کھلے عام پارٹی قائدین پر بلاوجہ کیچڑ اچھالنا پارٹی ڈسپلن کے خلاف ہے کارکنان آئندہ الیکشن کی تیاری کریں انشاءاللہ 2018کا الیکشن پی ٹی آئی کو کامیابی سے ہمکنار کرے گا کارکنان اپنے ذاتی اختلافات ختم کر کے متحد ہو جائیں ملک لوٹنے والوں سے قوم کو نجات ملے گی اور پاکستان کی ترقی،خوشحالی اور نظام کی تبدیلی کا خواب جلد پورا ہونے والا ہے۔
About Author
