عمران خان نے قبل ازوقت الیکشن کرانے کا جو مطالبہ کیا ہے وہ درست ہے ۔ شاہ محمود قریشی
بورے والا(چوہدری اصغر علی جاوید سے)پی ٹی آئی کے مرکزی وائس چیئرمین مخدوم شاہ محمود قریشی نے کہا ہے کہ عمران خان نے قبل ازوقت الیکشن کرانے کا دو مطالبہ کیا ہے وہ درست ہے کیونکہ (ن)لیگ نے جس کو وزیر اعظم منتخب کیا ہے وہ خود کو وزیر اعظم مانتے ہی نہیں اور جو نااہل شخص ہے ایسے ابھی تک وزیر اعظم تسلیم کر رہے ہیں ایسے حالات میں نظام آگے کیسے چل سکتا ہے،سابق وزیر اعظم نواز شریف کی لندن واپسی کسی قسم کی کوئی ڈیل کا تاثر غلط ہے وہ اپنی سیاسی بقاءاور مقدمات کا سامنے کرنے کے لیے مجبوراََ وطن واپس آئے ہیں اگر وہ واپس نہ بھی آتے تو احتساب عدالت سے اُنکے خلاف فیصلہ آنا تھا اور اُن کی غیر حاضری کی صورت میں انہیں 3سال کی سزا ہونا تھی اس کے علاوہ (ن)لیگ میں صدارت کے حوالہ سے شدید اختلافات پائے جا رہے ہیں ایک دھڑے میں چوہدری نثار اور میاں شہباز شریف ہے جبکہ دوسرے دھڑے میں دانیال عزیز اور نواز شریف کے دیگر درباری شامل ہیں،سینٹ سے نااہلی کی شق کے خاتمے کے بل کی پی ٹی آئی نے شدید مخالفت کی ہے ووٹنگ کے دوران پی ٹی آئی کا ایک سینیٹر غیر حاضر تھا اور دوسرے نے ووٹ میں حصہ نہیں لیا جنہیں پارٹی شوکاز نوٹس جاری کر رہی ہے یہ بل اگر قومی اسمبلی سے پاس ہو کر صدر کے دستخطوں کے بعد قانون بھی بن جاتا ہے تو پی ٹی آئی اسے سپریم کورٹ میں چیلنج کریں گی،ان خیالات کا اظہار انہوں نے نواحی گاﺅں321ای بی میں اپنے ڈرائیور کی فاتحہ خوانی کے بعد واپسی پر سابق صدر بار سردار ساجد احمد ڈوگر کی رہائش گاہ پر مختصر قیام کے دوران میڈیا سے گفتگو کرتے ہوئے کیا اس موقع پر سٹی صدر ملک فاروق احمد اعوان،سنیئر راہنما چوہدری اعجاز اسلم،ملک امتیاز احمد،عاقب اعجاز بھٹی،ملک محمد سرور اور ملک مظفر حسین بھی موجود تھے شاہد محمود قریشی نے کہا کہ سینٹ سے پاس ہونے والے بل میں اصل غفلت اُس وقت ہوئی جب یہ بل سٹینڈنگ کمیٹی میں پیس ہوا تھا اُس وقت پی ٹی آئی سمیت دیگر اپوزیشن جماعتوں کو اسے سنجیدہ لینا چاہئے تھا۔
About Author
