کسان اتحاد نے وزیر اعظم کے کسان ریلیف پیکیج کو لولی پاپ قرار دے دیا
بورے والا(چوہدری اصغر علی جاوید سے)پاکستان کسان اتحاد نے وزیر اعظم کے کسان ریلیف پیکیج کو لولی پاپ قرار دے دیا،کسان ریلیف پیکیج پر عملدرآمد نہ کر کے لاکھوں کسانوں کو ماموں بنا دیا گیا جب تک ریلیف پیکیج پر عملدرآمد نہیں ہوتا بجلی کے بل ادا نہیں کریں گے،کسانوں کا اعلان،تفصیلات کے مطابق پاکستان کسان اتحاد (چوہدری انور گروپ) کے ضلعی چیئرمین ملک نصیر احمد کھوکھر،ضلعی نائب صدر ندیم سجاد جٹ،صدر خرم سنگھیڑا،جنرل سیکرٹری چوہدری مہران علی اور چیئرمین ایگزیکٹو کمیٹی نور احمد خاں جملیرا نے مشترکہ پریس کانفرنس سے خطاب کرتے ہوئے وزیر اعظم کے کسان ریلیف پیکیج کو ٹوپی ڈرامہ اور کسانوں کیلئے لولی پاپ قرار دیا اور کہا کہ اس کسان ریلیف پیکیج کے مطابق ابھی تک واپڈا کی جانب سے بجلی کے فلیٹ ریٹ 13 روپے یونٹ پر عملدرآمد نہیں ہو سکا اس ماہ کے بل بھی 26 روہے یونٹ کے حساب سے بھیجے گئے ہیں واپڈا زرعی و گھریلو صارفین کے خراب میٹر تبدیل کرنے کی بجائے انہیں بھاری ایوریج ڈیٹیکشن بل وصول کر رہا ہے یوریا کھاد سرکاری نرخوں پر دستیاب نہیں ہے کسان زیر کاشت گندم اور دیگر فصلوں کیلئے بلیک میں مہنگے داموں کھاد خریدنے پر مجبور ہیں جسکی وجہ سے گندم کی پیداوار بری طرح متاثر ہو رہی ہے اور غذائی قلت کا شدید خطرہ پیدا ہو گیا ہے پریس کانفرنس میں چوہدری اجمل اعجاز چٹھہ،شمشاد علی جٹ،رانا عابد علی،چوہدری عبدالرشید چیئرمین،عباس سنگھیڑا،حاجی عثمان علی عاکوکا،یاسین ساہوکا اور ریاض احمد جملیرا بھی موجود تھے کسان راہنماﺅں نے حکومت پر واضح کیا ہے کہ اگر وزیر اعظم ریلیف پیکیج پر عمل نہ ہوا تو ناصرف کسان اپنے بجلی کے بل ادا نہیں کریں گے بلکہ حکومت کے خلاف سڑکوں پر نکلیں گے حکومت کسانوں کو دھرنے اور لانگ مارچ پر مجبور نہ کرے اور وعدوں کے مطابق فوری ریلیف فراہم کرے۔
About Author
