سول سوسائٹی نیٹ ورک نے زرعی یونیورسٹی کے طلباء کیلئے ایجوکیشن لون سکیم کا اعلان کر دیا
بورے والا(چوہدری اصغر علی جاوید سے)انچارج بہاو الدین زکریا یونیورسٹی وہاڑی کیمپس پروفیسر ڈاکٹر تصویر زہرہ،پرنسپل ایجوکیشن یونیورسٹی وہاڑی ڈاکٹر شیخ اسرار احمد اور پرنسپل زرعی یونیورسٹی سب کیمپس بورے والا ڈاکٹر ندیم ساجد نے کہا ہے کہ طلباء و طالبات کو سکالرشپ پر بیرون ملک یونیورسٹیوں میں اعلی تعلیم کیلئے بہت مواقع میسر ہیں،بین الاقوامی یونیورسٹیوں میں تعلیم کے حصول کیلئے ایجوکیشن ایکسپو کے ذریعے آن لائن معلومات کی ہر ممکن فراہمی یقینی بنائی جائے گی،دنیا اس وقت گلوبل ویلیج میں تبدیل ہو چکی ہے اور تعلیم کے میدان میں جدید دور کے تقاضوں کے مطابق ہماری یونیورسٹیوں اور کالجز میں طلباء و طالبات کی راہنمائی کیلئے مقامی سطح پر معلومات کی فراہمی وقت کی اہم ترین ضرورت ہے ہم تعلیم کے میدان میں ترقی کر کے ہی ترقی یافتہ ممالک اور قوموں کا مقابلہ کر سکتے ہیں تعلیمی اداروں میں کپیسٹی بلڈنگ کے ساتھ ساتھ کیریکٹر بلڈنگ پر خصوصی توجہ کی ضرورت ہے،ان خیالات کا اظہارانہوں نے زرعی یونیورسٹی فیصل آباد بورے والا کیپمس میں منعقدہ پہلے انٹرنیشنل ایجوکیشن ایکسپو سے خطاب کرتے ہوئے کیا تقریب سے سول سوسائٹی نیٹ ورک کے پیٹرن انچیف شیخ شہزاد مبین،شیخ شاہ رخ شہزاد،بین الاقوامی یونیورسٹیوں سے تعلق رکھنے والے پروفیسر،ڈاکٹرز اور یونیورسٹی کے پروفیسرز نے بھی خطاب کیا تقریب سے خطاب میں سول سوسائٹی نیٹ ورک کی طرف سے شیخ شاہ رخ شہزاد نے یونیورسٹی کے ان 50 طلباء و طالبات کیلئے بلاسود ایجوکیشن لون سکیم کا بھی اعلان کیا جو طلباء و طالبات اپنے تعلیمی اخراجات برداشت کرنے کی سکت نہیں رکھتے حاصل کردہ لون تعلیم مکمل کر کے برسرِ روزگار ہونے کے بعد انتہائی آسان اقساط میں قابل واپسی ہو گی جبکہ نئی ریسرچ کیلئے انہوں نے اپنی 12 ایکٹر اراضی بھی پیش کر دی جہاں ریسرچ پر اٹھنے والے اخراجات بھی سول سوسائٹی نیٹ ورک برداشت کرے گا اس موقع پر ڈائریکٹر مریم گرلز کالج پروفیسر(ر) جاوید اقبال،پریس کلب کے صدر چوہدری اصغر علی جاوید اور دیگر نمائندہ شخصیات کے علاوہ طلباء و طالبات کی کثیر تعداد نے شرکت کی۔
About Author
