ہمیں فرقہ وارانہ نفرتوں کا خاتمہ کرکے محبت،امن اور بھائی چارے کو فروغ دینا ہے ۔ عمر سعید ملک ، علی اکبر بھٹی

بورے والا(چوہدری اصغر علی جاوید سے)ڈی پی او وہاڑی عمر سعید ملک نے کہا ہے کہ ہمیں فرقہ وارانہ نفرتوں کا خاتمہ کرکے محبت،امن اور بھائی چارے کو فروغ دینا ہے،تفرقہ بازی نے ہمارے امن کا شیرازہ بکھیرا اللہ کی رسی کو مضبوطی سے تھامنے کا مقصد تمام تر نفرتوں سے پاک ایک ایسے معاشرے کی تشکیل ممکن بنائی جائے جس کی بنیاد انسانیت پر قائم ہو فرقہ واریت نے ہمارے ملک کو ناقابل تلافی نقصان پہنچایا ہے ہمیں بلارنگ و نسل،ذات،برادری،قبیلوں اور مسالک سے بالاتر ہو کر اس ملک کو امن کا گہوارہ بنانا ہے نفرت کے بتوں کو توڑ کر ہمیں حضرت امام حسین کا وہ پیغام عام کرنا ہے جس میں امن،بردباری اور قربانی کے جدبوں کو فروغ ملتا ہے ہمارا اسلام بھی ہمیں یہی پیغام دیتا ہے جس کی بدولت مسلمانوں نے دنیا کے طول و عرض پرامن اور بھائی چارے کا پرچار کیا ہے محرم الحرام کے مقدس مہینہ میں ہم سب کو ملکر نفرتوں کا خاتمہ کرنا ہے اور امن دشمنوں کو اپنی صفوں سے نکال کر باہر پھینکنا ہے،ان خیالات کا اظہار انہوں نے محرم الحرام کے حوالہ سے مقامی ہوٹل میں ضلعی پولیس کے زیر اہتمام ضلعی و تحصیل امن کمیٹی کے ارکان،منتخب عوامی نمائندوں،تمام مکاتب فکر کے علماءاکرام،سول سوسائٹی کے ارکان،وکلائ،ڈاکٹروں،کاروباری تنظیموں کے نمائندہ افراد اور میڈیا کے نمائندوں کے ایک بڑے اجلاس سے خطاب کرتے ہوئے کیا محرم الحرام کے موقع پر امن و امام کے قیام کے حوالہ سے پولیس کے زیر اہتمام ہونےو الا یہ پہلا تاریخی اجتماع تھا جس کی میزبانی اور شرکاءکے اعزاز میں دئیے گئے ظہرانے کے تمام تر اخراجات پولیس فنڈز سے کیے گئے تھے اس اجلاس سے ڈی سی او وہاڑی علی اکبر بھٹی،ایم این اے سید ساجد مہدی سلیم،چیئرمین بلدیہ چوہدری محمد عاشق آرائیں،ڈی ایس پی طاہر مجید ملک،صدر چیمبر آف کامرس ضلع وہاڑی عبدالرﺅف چوہدری،ضلعی صدر انجمن تاجران محمد جمیل بھٹی،قاری محمد وہاب اور دیگر مقررین نے بھی خطاب کیا اس موقع پر وائس چیئرمین ضلع کونسل رانا شاہد سرور،چیئرمین اوورسیز پاکستانی کمیٹی سردار شہزاد احمد ڈوگر،وائس چیئرمین بلدیہ حاجی محمد افتخار بھٹی،مولانا قمبر غلام عسکری،مولانا حبیب الرحمان ضیائ،مولانا امتیاز حسین،معروف سماجی شخصیت شیخ شہزاد مبین،رانا طاہر کریم،صوبائی ممبر اتحاد بین المسلمین کمیٹی حافظ محمد ابوسفیان،چوہدری رضوان عابد اور دیگر نمائندہ شخصیات کی کثیر تعداد نے شرکت کی۔