کرپشن کا حل عدالتی فیصلے کی بجائے نظام کے تسلسل میں ہے ۔ حافظ فیصل افضل شیخ
بورے والا(چوہدری اصغر علی جاوید سے)اہلحدیث یوتھ فورس پاکستان کے مرکزی صدر حافظ فیصل افضل شیخ نے کہا ہے کہ کرپشن کا حل عدالتی فیصلے کی بجائے نظام کے تسلسل میں ہے عدالتی فیصلوں کی کڑی نگرانی انصاف کے تقاضوں کو متاثر کرتی ہے عدلیہ نے پانامہ فیصلے میں جو تحرک دکھایا ہے اس میں شامل باقی449لوگوں کا بھی اسی طرح احتساب ہونا چاہئے اس وقت ملک بیرون سازشوں کا شکار ہے ایسے حالات میں کوئی ایسا اقدام ہرگز ٹھیک نہیں جس سے جمہوری نظام کو خطرہ ہو بیرونی طاقتوں کے ایجنڈے کی تکمیل نہیں ہونی چاہئے،ہمیں سیاسی،مذہبی اور دیگر وابستگیوں سے بالاتر ہو کر اتحاد کا مظاہرہ کرتے ہوئے ملکی سالمیت اور اسکی بقا کے لیے یکجا ہونا چاہئے آپریشن ضرب عضب کے بعد یہ یقین ہو گیا تھا کہ ملک سے دہشت گردوں کا صفایا ہو گیا ہے لیکن گذشتہ دنوں اسلامی نظریاتی کونسل کے رکن و صوبائی امیر مرکزی جمعیت اہلحدیث بلوچستان شیخ علی محمد ابوتراب کو اُنکے بیٹے،سرکاری گن مین،ڈرائیور اور سیکرٹری سمیت 5افراد کو ملک دشمنوں نے اغوا کیا جس کی ہم پر زور مذمت کرتے ہوئے اُنکی فوری بازیابی کا مطالبہ کرتے ہیں شیخ ابوتراب بلوچستان کی وہ واحد شخصیت تھے جنہوں نے بلوچستان میں اٹھنے والی علیحدگی پسند تحریکوں اور بلوچستان کو پارہ پارہ کرنے میں مصروف غیر ملکی سازشوں کے خلاف اعتدال پسندی کے ذریعہ امن اور اتحاد کے قیام میں مثبت کردار ادا کیا اُنکے اغوا پر بلوچستان کی تمام سیاسی و مذہبی جماعتوں کے علاوہ تمام مکاتب فکر نے ایک گھناﺅنی سازش قرار دیتے ہوئے اسکی مذمت کی ہے،ان خیالات کا اظہار انہوں نے”ایمرا“آفس میں پریس کانفرنس سے خطاب کرتے ہوئے کیا اس موقع پر نائب ضلعی امیر مرکزی جمعیت اہلحدیث وہاڑی پروفیسر احمد کامران تھہیم،ضلعی ناظم اعلیٰ مرکزیہ ابوتراب،ضلعی صدر اے وائی ایف رانا راشد احسان،تحصیل صدر اے وائی ایف حافظ شہباز خورشید،نائب امیر تحصیل بورے والا حافظ مقصود احمد،ناظم اعلیٰ مرکزیہ بورے والا حافظ ابوبکر صدیق،سٹی صدر ایف وائی ایف عبدالرزاق مغل(بھولا) اور دیگر راہنما بھی موجود تھے۔
About Author
