پاک فوج کی عزت و وقار کا تحفظ کرنا بھی قوم کی ذمہ داری ہے۔اراکین اسمبلی

بورے والا(نمائندہ خصوصی)وفاقی پارلیمانی سیکرٹری برائے اکنامک افیئر چوہدری فقیر احمد آرائیں،قومی اسمبلی کی سٹینڈنگ کمیٹی برائے سائنس و ٹیکنالوجی کے چیئرمین سید ساجد مہدی سلیم،ارکان پنجاب اسمبلی سردار خالد محمود ڈوگر اور میاں ثاقب خورشید نے کہا ہے کہ ملکی سرحدوں کی حفاظت اور اسکے دفاع میں جانوں کے نذرانے پیش کرنے والے شہداء کی قربانیاں ناقابل فراموش ہیں آج ہم جس آزاد وطن میں رہ رہے ہیں وہ انہی قربانیوں کی بدولت ہے پاک فوج ہماری جغرافیائی اور نظریاتی سرحدوں کی محافظ ہے اور ہر مشکل کھڑی میں پاک فوج نے آگے بڑھ کر ہر میدان میں اپنا کردار ادا کیا ہے پاک فوج کی عزت و وقار کا تحفظ کرنا بھی قوم کی ذمہ داری ہے،ان خیالات کا اظہار انہوں نے پرائیویٹ سکولز ایسوسی ایشن کی طرف سے ایم پی اے سردار خالد محمود ڈوگر کے تعاون سے یوم دفاع کے موقع پر مقامی ہوٹل میں منعقدہ ملی نغموں و تقاریر کے مقابلہ جات کی تقریب سے خطاب کرتے ہوئے کیا تقریب کے مہمان خصوصی اسسٹنٹ کمشنر بورے والا عبدالباسط صدیقی تھے جبکہ سابق ایم پی اے ملک نوشیر خاں لنگڑیال،ڈپٹی ایجوکیشن آفیسر مردانہ نثار احمد،ڈپٹی ایجوکیشن آفیسر زنانہ میڈم صدف نذیر،پرنسپل گورنمنٹ بوائز کالج پروفیسر خوشی محمد شہزاد،صدر پرائیویٹ سکولز ایسوسی ایشن ملک رضا اعوان،صدر بار ایسوسی ایشن چوہدری محمد صدیق،جنرل سیکرٹری چوہدری محمد مشاہد،ڈائریکٹر پنجاب کالج پروفیسر عبدالمجید،ڈائریکٹر مریم گرلز کالج پروفیسر جاوید اقبال،ٹرانسپورٹ یونین کے صدر سردار شاہد جاوید ڈوگر،چوہدری مدثر مرغوب،سابق صدر پریس کلب اصغر علی جاوید(کامریڈ)،صدر مرکزی انجمن تاجران چاچا ملک محمد اسلم،سینئر نائب صدر عثمان جمیل بھٹی،صدر انجمن آڑھتیاں سبزی منڈی حاجی عاشق علی آرائیں،الکریم ڈویلپرز کے سردار ظہور احمد ڈوگر،شیخ محمد ایوب،سول سوسائٹی نیٹ ورک کے ڈپٹی کنوینئر چوہدری اصغر علی جاوید،مسلم لیگ(ن) کے سابق یو سی چیئرمینز،کونسلرز،ضلعی صدر مسلم لیگ(ن) یوتھ ونگ منظور برکت ماڑی والا،سٹی صدر شاہد نواب خاں،شاہد کریم ڈوگر،جاوید عباس،جواد احمد بھٹی اور دیگر نمائندہ شخصیات نے بھی شرکت کی تقاریر اور ملی نغموں کے مقابلوں میں پوزیشن ہولڈر طلباء و طالبات میں کیش پرائز اور اعزازی شیلڈز تقسیم کی گئیں