اسسٹنٹ کمشنر محمد یوسف نے پنجاب کالج میں چار روزہ بک فیئر کا افتتاح کر دیا

بورے والا(چوہدری اصغر علی جاوید سے)اسسٹنٹ کمشنر بورے والا نے پنجاب کالج میں چار روزہ بک فیئر کا افتتاح کر دیا،افتتاحی تقریب میں ڈائریکٹر پنجاب کالج مجید اکبر سندھو،پرفیسرز،ڈاکٹر،طلباء و طالبات اور سول سوسائٹی کے ارکان نے شرکت کی،مختلف پبلشرز کی جانب سے بک فیئر میں نایاب کتب رکھی گئی ہیں،تفصیلات کے مطابق پنجاب کالج بورے والا میں سالانہ چار روزہ بک فیئر کا افتتاح اسسٹنٹ کمشنر محمد یوسف چھینہ نے ڈائریکٹر پنجاب کالج پروفیسر مجید اکبر سندھو کے ہمراہ کیا اقتتاحی تقریب میں مختلف قسم کے تاریخی ماڈلز اور معروف پبلشرز کی طرف سے نایاب کتب کے سٹال لگائے گئے ہیں جہاں شاعری،افسانے،اسلامی کتب،اردو،انگریزی ادب اور طلباء و طالبات کی نصابی کتب بھی رکھی گئی ہیں افتتاحی تقریب میں کالج کے طلباء و طالبات نے ملی نغمے بھی پیش کئے تقریب سے خطاب میں اسسٹنٹ کمشنر محمد یوسف چھینہ نے کہا کہ جو قومیں کتابوں کو اپنی اثاثہ سمجھ کر ان سے مستفید ہوتی ہیں وہ دنیا کے کسی بھی میدان میں ناکام نہیں ہوتیں موجودہ سوشل میڈیا کے دور میں ہم کتابوں سے دور ہوتے جا رہے ہیں لیکن کتابوں کے بغیر علمی ترقی کی منازل طے نہیں کی جا سکتیں اس موقع پر سول سوسائٹی نیٹ ورک کے کنونئیر عبدالرؤف چوہدری،صدر پریس کلب بورےوالا ندیم مشتاق رامے،ڈپٹی کنونئیر سول سوسائٹی چوہدری اصغر علی جاوید،پروفیسر جاوید اقبال،پروفیسر ڈاکٹر محمد اکرم،سید زاہد مشہدی،پریس کلب بورے والا کے ممبران اور شہر کے دیگر نمائندہ شخصیات نے بھی شرکت کی آخر میں ڈائریکٹر و پرنسپل پنجاب کالج بورےوالا پروفیسر مجید اکبر نے اسسٹنٹ کمشنر و دیگر معزز مہمانوں کا شکریہ ادا کیا۔