نواسہ رسول حضرت امام حسین کا یوم شہادت انتہائی عقیدت و احترام سے منایا گیا
بورے والا(چوہدری اصغر علی جاوید سے)بورے والا شہر اور گردونواح میں بھی نواسہء رسول حضرت امام حسین کا یوم شہادت انتہائی عقیدت و احترام سے منایا گیا،انجمن حیدریہ کے زیر اہتمام ذوالجناح اور تعزیہ کا مرکزی جلوس امام بارگاہ حسینیہ ایچ بلاک سے برآمد ہوا جو اپنے مقررہ راستوں سے ہوتا ہوا مقام کربلا جوئیہ روڈ آ کر اختتام پذیر ہوا جلوس میں عزاداروں نے ماتم،زنجیر زنی اور نوحہ خوانی کر کے شہادت امام حسین اور شہداء کربلا کی یاد تازہ کی جلوس سے کپڑا مارکیٹ چوک میں شیعہ عالم دین پروفیسر سجاد حسین سالک نے خطاب کیا اور شہداء کربلا کی لازوال قربانیوں پر روشنی ڈالی اس موقع پر اسسٹنٹ کمشنر محمد عمر فاروق،ڈی ایس پی حاجی محمد اشرف تبسم،تحصیلدار شاہد نواب،چیف آفیسر بلدیہ محمد اکرم واہلہ،طاہر نذیر بھٹی،سابق ایم این اے چوہدری نذیر احمد آرائیں،ایم پی اے سردار خالد محمود ڈوگر،ایم ایس ٹی ایچ کیو ڈاکٹر عمران بھٹی،انجمن حیدریہ کے صدر سید اسد حسین نقوی،صدر بار چوہدری سلمان یوسف گھمن،پی ٹی آئی جنوبی پنجاب کے جوائنٹ سیکرٹری ملک فاروق اعوان،احسن سردار بھٹی،بیرسٹر شہزاد سلیم بھٹی،غلام مصطفے بھٹی،انجمن تاجران کے راہنماء عثمان جمیل بھٹی،ضلعی صدر مسلم لیگ(ن) یوتھ ونگ منظور برکت ماڑی والا،عاطف چوہدری،شہباز حسین بھٹی ایڈووکیٹ،سید سجاد حسین بخاری اور دیگر نمائندہ سیاسی و سماجی شخصیات بھی موجود تھیں،صدر بار سلمان یوسف گھمن،سیکرٹری بار میاں رمیض بیٹو،پی ٹی آئی راہنماءاحسن سردار بھٹی،پیپلز پارٹی کی راہنماء شگفتہ چوہدری اور نمائندہ شہریوں کی جانب سے جلوس میں شریک عزاداروں کیلئے لنگر اور جوس تقسیم کیا گیا اس موقع پر پولیس کی جانب سے سیکورٹی کے فول پروف انتظامات کئے گئے تھے ڈی سی وہاڑی مبین الہی اور ڈی پی او امیر عبداللہ خاں نیازی نے بھی جلوس کے راستوں پر سیکورٹی کے انتظامات کا جائزہ لیا جلوس کی سی سی ٹی کیمروں اور ویڈیو کیمروں کے ساتھ مانیٹرنگ کی گئی جلوس جب غلہ منڈی پہنچا تو امام بارگاہ حسینیہ کے ایڈمنسٹریٹر سید اسد حسین نقوی ایڈووکیٹ نے سیکورٹی کے انتظامات،شہر میں صفائی،طبی سہولیات کی فراہمی اور بلدیہ کو خصوصی انتظامات پر ضلعی پولیس و سول انتظامیہ،واپڈا،محکمہ صحت،سول ڈیفنس،میونسپل کارپوریشن کے عملہ سینٹری،امن کمیٹی،سول سوسائٹی،ڈاکٹرز،ریسکیو 1122 اور نمائندہ شہریوں کا شکریہ ادا کیا۔
About Author
