ترقیاتی کاموں میں تاخیر اور شہر کی صورتحال کے خلاف نمائندہ شہری سراپا احتجاج

بورے والا(چوہدری اصغر علی جاوید سے)شہر کی سڑکیں ٹوٹ پھوٹ کا شکار،شہر کھنڈرات میں تبدیل،سیوریج اور پینے کے صاف پانی کی فراہمی کے منصوبے 3 سال سے ٹھپ،میونسپل کارپوریشن میں 90 کروڑ سے زائد موجود ہونے کے باوجود ترقیاتی منصوبوں کے آغاز میں بلاجواز تاخیر سے حکومت کے خلاف عوامی رد عمل میں اضافہ ہو گیا،بیوروکریسی عوام کو ماموں بنا کر حکومت پالیسیوں کو ناکام بنانے پر تل گئی ہے،عوامی رائے، تفصیلات کے مطابق مقامی شہریوں سید زاہد حسین مشہدی،سابق صدر بار ملک فرقان یوسف، صدر انسانی حقوق کمیٹی حاجی محمد رحمان کھوکھر،حاجی محمد اسلم گجر،بیرسٹر شہزاد سلیم بھٹی اور دیگر نمائندہ شہریوں نے کہا ہے کہ تحریک انصاف کی حکومت کو ساڑھے تین سال سے زائد کا عرصہ گزر گیا لیکن جب سے حکومت آئی ہے شہر میں سڑکوں کی تعمیرو مرمت،نکاسی آب اور پینے کے صاف پانی کی فراہمی کا ایک بھی منصوبہ شروع نہ کیا جا سکا سڑکیں ٹوٹ پھوٹ کا شکار ہونے سے شہر کھنڈرات میں تبدیل ہو چکا ہے شہری پینے کے صاف پانی سے محروم ہیں جبکہ سیوریج اور شہر کی تزئین کو آرائیش سمیت دیگر کوئی بھی منصوبہ شروع نہیں کیا جا سکا میونسپل کارپوریشن کے پاس 90 کروڑ سے زائد کے ترقیاتی فنڈز موجود ہونے کے باوجود بیوروکریسی ترقیاتی کاموں کو شروع کرنے میں تاخیری حربے استعمال کرکے حکومتی پالیسیوں کے خلاف عوام رد عمل میں اضافہ کا باعث بن رہے ہیں حکومت کا ایک سال کا عرصہ باقی رہ گیا لیکن ترقیاتی فنڈز کا استعمال نہیں ہو رہا شہریوں نے وزیر اعلیٰ پنجاب عثمان بزدار،چیف سیکرٹری پنجاب اور دیگر اعلیٰ حکام سے مطالبہ کیا ہے کہ ترقیاتی کاموں کا فی الفور آغاز کیا جائے۔