میونسپل کارپوریشن نے 17 غیر قانونی ہاؤسنگ کالونیوں کو سیل کر دیا

بورے والا(چوہدری اصغر علی جاوید سے)غیر قانونی ہاﺅسنگ کالونیوں کے خلاف میونسپل کارپوریشن ان ایکشن،شہر کی 17 غیر قانونی ہاﺅسنگ کالونیوں کو سیل کر دیا گیا،کالونیوں میں کروڑوں روپے کے پلاٹ خریدنے والوں کا مستقل تاریک،نقشہ منظوری،ترقیاتی کام اور دیگر شرائط نہ پوری کرنے والے مزید 8 سے زائد کالونیاں بھی کارپوریشن کے ریڈار پر آ گئیں،تفصیلات کے مطابق ڈی سی وہاڑی کی ہدایت پر اسسٹنٹ کمشنر بورے والا محمد عمر فاروق نے شہر اور ملحقہ علاقوں میں کئی سالوں سے بغیر نقشہ منظوری،بجلی،پانی اور سڑکوں سمیت دیگر ترقیاتی کام مکمل کروائے بغیر زرعی اراضی کو رہائشی کالونیاں بنا کر کروڑوں روپے میں فروخت کرنے والے لینڈ مافیا کے خلاف کاروائیوں کا آغاز کر دیا ڈی سی وہاڑی کے احکامات کی روشنی میں اسسٹنٹ کمشنر کی قیادت میں میونسپل کارپوریشن کے شعبہ پلاننگ نے کاروائی کرتے ہوئے مختلف مقامات پر قائم 17 غیر قانونی ہاﺅسنگ کالونیوں رضوان ٹاﺅن 439 (ای بی)،گلشن اسلام 445 (ای بی)،گلبرگ عظیم بلاک،گلبرگ ہاﺅسنگ سکیم فیز 1،فیز 2،شیر شاہ ٹاﺅن،فرحان ٹاﺅن 439 (ای بی)،گرین ویو فیز 2 اضافی آبادی،عثمان بلاک 261 (ای بی)،دی پارک ہاﺅسنگ سکیم 261 (ای بی)،المدینہ گارڈن مجاہدین کالونی بیرکی،رہائشی سکیم ملحقہ نیو ماڈل ٹاﺅن نزد قائد اعظم سٹیڈیم،رہائشی سکیم عقب ڈیفنس ویو ٹاﺅن اختر ٹاﺅن،رہائشی کالونی ملحقہ جیون سٹی معصوم شاہ روڈ،مدینہ ٹاﺅن 435 (ای بی) چیچہ وطنی روڈ،رہائشی سکیم نزد گرلز مڈل سکول یوسف بلاک اور فائن سٹی ہاﺅسنگ سکیم کو سیل کر دیا انکے علاوہ نیو ماڈل ٹاﺅن ایگزیکٹو بلاک سٹیڈیم روڈ،والکٹ کالونی کارخانہ روڈ،نور بلاک لینڈ سب ڈویژن 439 (ای بی)،رہائشی کالونی ملحقہ ساجد گارڈن 441 (ای بی)،نیو عظیم آباد ٹاﺅن 441 (ای بی)،مدینہ ٹاﺅن گلی نمبر 5 مدینہ کالونی،حمید بلاک سٹیڈیم روڈ مین ملتان روڈ اور رہائشی سکیم نذر کامرس کالج 505 (ای بی) روڈ بھی غیر قانونی کالونیاں ہیں ان کالونیوں میں پلاٹوں کی خریدوفروخت کو غیر قانونی قرار دے دیا واضح رہے کہ میونسپل کارپوریشن کی حدود میں واقع مزید 20 سے زائد غیر قانونی کالونیوں کو بھی آئندہ چند روز میں سیل کر دیا جائے گا کالونیوں کے بارے میں انکشاف ہوا ہے کہ لینڈ مافیا نے شہر اور اسکے ملحقہ علاقوں میں زرعی زمینیں خرید کر انکا نقشہ منظور کروائے بغیر،بجلی،پانی،سڑکیں اور دیگر سہولتیں فراہم کرنے کا لالچ دیکر اس زرعی اراضی کو سکنی بنا کر جہاں سرکاری خزانے کو کنڈونیشن فیس کی مد میں کروڑوں روپے کا چونا لگایا وہاں اپنی جمع پونجی سے پلاٹ خریدنے والوں کا مستقبل بھی داﺅ پر لگا دیا ہے جنکے خلاف اب حکومت نے سخت ایکشن لینے کے احکامات جاری کئے ہیں۔