ڈپٹی کمشنر وہاڑی مبین الٰہی نے 8 سے 15 مئی کورونا لاک ڈاؤن کی تفصیلات جاری کر دیں
بورے والا(چوہدری اصغر علی جاوید سے)ڈپٹی کمشنر وہاڑی مبین الٰہی نے 8 سے 15 مئی کورونا لاک ڈاؤن کی تفصیلات جاری کر دیں،تمام مارکیٹیں اور بازار لاک ڈاؤن کے دوران مکمل بند رہیں گے،ڈی سی وہاڑی مبین الہی کے مطابق حکومت پنجاب کے نئے احکامات کی روشنی میں تمام مارکیٹس،کاروباری مراکز،دفاتر اور دکانیں 8 مئی سے 16 مئی 2021ء تک بند رہیں گی صرف میڈیکل سٹورز،میڈیکل سہولیات،ویکسینیشن سنٹرز،پٹرول پمپس،تندور،دودھ و ڈیری شاپس،ٹیک وے فوڈ اور ای کامرس (ہوم ڈیلیوری)،یوٹیلٹی سروسز،بجلی،قدرتی گیس،انٹرنیٹ،سلولر نیٹ ورک،ٹیلی کام سنٹرز اور میڈیا دفاتر پورا ہفتہ 24 گھنٹے کھلے رہیں گے جبکہ بیکرز،کریانہ سٹورز،سویٹ شاپس،سبزی و فروٹ،چکن اور گوشت کی دکانیں صبح 9 بجے سے شام 6 بجے تک پورا ہفتہ کھلی رہیں گی انہوں نے مزید کہا کہ چاند رات کے موقع پر چاند رات بازار جس میں مہندی،جیولری،کپڑوں کے سٹالز وغیرہ پر مکمل پابندی ہو گی انڈور اور آؤٹ ڈور ریسورنٹس اور ہوٹلوں پر مکمل پابندی ہو گی اور صرف ٹیک وے اور ہوم ڈیلیوری کی اجازت ہو گی شادی اور دیگر تقریبات کے انڈور پر مکمل پابندی ہو گی تمام قسم کے میرج ہالز،کمیونٹی سنٹرز،مارکیٹس اور ایونٹ ہالز بھی بند رہیں گے جن اضلاع میں کورونا وائرس کے مثبت آنے کی شرح 8 فیصد سے زائد ہے وہاں پر آؤٹ ڈور شادیوں پر بھی پابندی ہو گی تمام قسم کی سیاحت کی سرگرمیوں پر بھی پابندی ہو گی تمام سیاحتی مقامات،پبلک پارکس،پکنک پوائنٹس،شاپنگ مالز،ریسورنٹس،ہوٹلز جو کہ سیاحتی مقامات پر موجود ہیں بھی بند رہیں گے تمام پارکس بھی بند رہیں گے تمام شہریوں پر لازم ہو گا کہ وہ فیس ماسک کا استعمال کریں جن اضلاع میں کورونا وائرس کے مثبت آنے کی شرح 8 فیصد سے زیادہ ہے ان اضلاع میں تمام مزارات اور مقبرے بند رہیں گے تمام قسم کے اجتماعات انڈور یا آؤٹ ڈور پر بھی مکمل پابندی ہو گی انہوں نے مزید کہا کہ اسی طرح کھیلوں اور ثقافتی سرگرمیوں،فیسٹولز اور دیگر ایونٹس پر بھی مکمل پابندی ہو گی ریل سروس اپنی 70 فیصد کپیسٹی کے ساتھ چلائی جا سکے گی بین الصوبائی اور انٹرا سٹی پبلک ٹرانسپورٹ پر پابندی ہو گی صرف پرائیویٹ گاڑیوں،ٹیکسی،کیب اور رکشے 50 فیصد گنجائش پر چلائے جا سکیں گے انٹر سٹی پبلک ٹرانسپورٹ (شہروں کے درمیان) پر ہفتہ اور اتوار کے علاوہ مکمل پابندی ہو گی ہفتہ اور اتوار کو بھی انٹر سٹی پبلک ٹرانسپورٹ 50 فیصد گنجائش پر چلائی جا سکے گی۔
About Author
