میپکو کمپلیکس بورے والا میں چند شرپسند عناصر سائلین کے ساتھ غنڈہ گردی کرتے ہیں۔ملک ذوالفقار اعوان
بورے والا(چوہدری اصغر علی جاوید سے)پاکستان کسان اتحاد کے مرکزی صدر ملک ذوالفقار احمد اعوان نے کہا ہے کہ میپکو بورے والا میں چند شازشی شرپسند لائن مین اور میٹر ریڈر نے واپڈا کے افسران کو یرغمال اور بلیک میل کر کے ایماندار اور محنتی واپڈا ملازمین کی حق تلفی کی ہے،میپکو بورے والا کو نقصان پہنچانے اور محکمہ کو ذاتی جاگیر سمجھنے والے عناصر کے خلاف بھرپور احتجاج کیا جائے گا،بورے والا میپکو کمپلیکس میں عرصہ دراز سے تعینات چند شرپسند عناصر جن کی وجہ سے سائلین کے ساتھ آئے روز غنڈہ گردی لڑائی جھگڑا کرنا معمول بن چکا ہے،سرکاری ملازم ہو کر سائلین کے ساتھ سرکاری وسائل استعمال کر کے اپنی ذاتی رنجشوں کی بنا پر مقدمات اور اختیارات کا ناجائز استعمال کرنا اب ناقابل برداشت ہو چکا ہے اور دوسری طرف یہ چند نام نہاد عناصر نے افسران کو بلیک میل کر کے خود اپنے سکیل کے مطابق کام بھی نہیں کرتے بلکہ اپنی من پسند سیٹ پر عیاشیاں کر رہے ہیں،سارے محکمہ کو اوور بلنگ ایوریج اور ڈیٹیکشن ڈلوا کر لاکھوں روپے اپنی جیب میں ڈال کر واپڈا کی بدنامی اور تباہی کر رہے ہیں جبکہ میپکو چیف بھی ان کے سامنے بے بس دکھائی دیتا ہے کیونکہ سرکاری دفاتر میں ان کے برابر اپنے ذاتی مفادات کے دفتر بنا رکھے ہیں اور سائلین کئی کئی دن ذلیل و خوار ہو جاتے ہیں،اگر انہوں نے ذاتی لڑائیاں یا سیاست کرنی ہے تو ہمارے ٹیکسوں کی نوکری چھوڑ دیں اور اپنی ذاتی لڑائیاں لڑیں،جب تک کسانوں اور مزدوروں کے مسائل حل نہ ہوئے اس وقت تک ہمارا احتجاج جاری رہے گا ایسی کالی بھیڑیں کو محکمہ سے فارغ کر کے ادارہ کو منافع بخش بنایا جائے،ان خیالات کا اظہار انہوں نے کسانوں کے ہنگامی اجلاس سے خطاب کرتے ہوئے کیا انہوں نے کہا کہ ایک کسان کو ایوریج ڈکٹیشن اووربلنگ بوگس میٹرز کی مد میں لاکھوں روپے کا بل ڈال کر غیر قانونی بلا نوٹس اطلاع دئیے بغیر میٹر ٹرانسفارمر اتار کر اختیارات کا ناجائز استعمال کیا ہے عدم ادائیگی کی صورت میں صرف بجلی منقطع کی جا سکتی ہے جبکہ اس کی رہائش گاہ بھی ڈیرہ پر ہے جس کی وجہ سے اتنی شدید گرمی اور رمضان المبارک میں اسکی بیوی بچے اور جانور پانی کی بوند بوند کو ترس گئے ہیں اگر فوری طور پر طویل عرصہ سے تعینات چند نام نہاد شرپسند عناصر کو ضلع بدر اور محمد شریف ساہوکا کا کنکشن بحال نہ کیا اتنی بڑی کورونا کی تیسری لہر میں 5 مئی کو پاکستان کسان اتحاد کا بھرپور احتجاج ہو گا تمام تر حالات کی ذمہ داری انتظامیہ پر ہو آس ہنگامی میٹنگ میں ندیم سجاد،محبوب منہاس،محمد مہران،محمد ابصار،چوہدری اصغر،یسین ساہوکا،ریاض جملیرا،الیاس گل،مصطفے سندھو،عباس سنگھیڑا،چٹھہ فوجی سلیم،فوجی امین،فوجی مختار،فوجی حنیف و دیگر کسان ممبران و عہدیداراثبھی موجود تھے۔
About Author
