ایک ارب کی قیمتی کمرشل اراضی واگزار کروانے پر شہریوں کا اسسٹنٹ کمشنر عمر فاروق کو خراج تحسین

بورے والا(چوہدری اصغر علی جاوید سے)اسسٹنٹ کمشنر بورے والا کا محکمہ ہاؤسنگ کے ہمراہ شہر کے وسط میں قبضہ مافیا کے گرینڈ آپریشن،قومی شاہراہ ملتان روڈ چونگی نمبر 5 سے ملحقہ ایک ارب سے زائد کی کمرشل اراضی پر قائم مارکیٹ مسمار،بااثر شخص نے محکمہ ہاؤسنگ کی قیمتی اراضی کو کچی آبادی ظاہر کر کے اپنے نام منتقل کروانے کی بھی کوشش کی تھی،کاروائی عدالتی حکم امتناعی خارج ہونے پر کی گئی،تفصیلات کے مطابق بورے والا شہر کے وسط میں چونگی نمبر 5 ملتان روڈ سے ملحقہ کروڑوں روپے مالیت کی 4 کنال 10 مرلہ محکمہ ہاؤسنگ اینڈ فزیکل پلاننگ کی سرکاری اراضی پر 35 سال سے زائد عرصہ سے مقامی بااثر قبضہ مافیا منظور بلوچ نے قبضہ کر کے اس جگہ پر کمرشل دوکانیں اور مارکیٹ بنا کر کرایہ پر دے رکھی تھی اسی دوران مذکورہ قبضہ گروپ نے اس قیمتی کمرشل سرکاری اراضی میں سے 2 کنال 10 مرلہ کو بلدیہ بورے والا کے عملہ کی ملی بھگت سے کچی آبادی ظاہر کروانے کے بعد اپنے نام منتقل کروا لی تھی 2004 میں ایک مقامی شہری ابدال ڈوگر کی درخواست پر اعلٰی سطحی انکوائری کے بعد انتقال منسوخ کر دیا گیا تھا اور اس میں ملوث بلدیہ کے افسران و اہلکاران کے خلاف مقدمہ بھی درج ہوا تھا لیکن اسکے باوجود بلدیہ حکام نے اس قبضہ مافیا کے خلاف کاروائی کی بجائے چشم پوشی اختیار کر لی تھی جس کے بعد منظور بلوچ نے عدالتوں سے حکم امتناعی بھی حاصل کر لیا تھا اب حکومت کی طرف سے ان قبضہ مافیا سے سرکاری زمینیں واگزار کروانے کے احکامات کی روشنی میں مقامی شہری محمد ابدال ڈوگر کی نشاندہی پر اسسٹنٹ کمشنر محمد عمر فاروق نے تحصیلدار چوہدری طاہر نواب،پٹواری طاہر نذیر بھٹی،محکمہ ہاؤسنگ کے عملہ،محکمہ مال،میونسپل کارپوریشن اور پولیس کی بھاری نفری کے ہمراہ گرینڈ آپریشن کرتے ہوئے 4 کنال 10 مرلہ سرکاری جگہ پر تعمیر شدہ مارکیٹ رہائش گاہ کو مسمار کر کے قیمتی سرکاری اراضی واگزار کروالی واگزار کروالی گئی جگہ کی مالیت ایک ارب سے زائد بتائی جاتی ہے۔