کسانوں نے گندم کی قیمت 18 سو روپے من مسترد کر دی،قیمت 2 ہزار روپے کی جائے۔ملک ذوالفقار اعوان

بورے والا(چوہدری اصغر علی جاوید سے)پاکسان کسان اتحاد کی پولیس انتظامیہ،واپڈا،جعلی کھاد اور بیج کی فروخت کے خلاف احتجاجی ریلی،30 مارچ کو کفن پوش احتجاجی ریلی اور دھرنے کا اعلان،حکومت نے مطالبات نہ مانے تو لاہور اور اسلام آباد کی طرف مارچ کریں گے،مرکزی صدر کا احتجاجی ریلی سے خطاب،تفصیلات کے مطابق پاکستان کسان اتحاد کے مرکزی صدر ملک ذوالفقار اعوان کی قیادت میں ضلع وہاڑی میں ڈکیتی اور چوری کی بڑھتی ہوئی وارداتوں،واپڈا کے کرپٹ اہلکاران،جعلی کھاد اور بیج کی فروخت،بجلی کے نرخوں اور کسانوں کے معاشی استحصال کے خلاف کسانوں نے احتجاجی ریلی نکالی جو شہر کے مختلف بازاروں سے ہو کر پریس کلب کے سامنے آ کر اختتام پذیر ہوئی ریلی سے خطاب کرتے ہوئے ملک ذوالفقار اعوان کا کہنا تھا کہ ضلع بھر میں ڈکیتی اور چوری کی وارداتوں میں اضافہ ہورہا ہے پولیس ملزمان کو پکڑ کر بھاری رشوت لیکر چھوڑ دیتی ہے جبکہ وارداتوں پر قابو پانے میں ناکام ہو چکی ہے واپڈا کے کرپٹ اہلکاران بجلی کے بلوں میں بھاری جرمانے اور زائد بل بھیج کر کسانوں کا استحصال کر رہے ہیں حکومت نام کی کوئی چیز نہیں سندھ میں گندم کی خریداری قیمت 2 ہزار روپے فی من ہے حکومت ملک بھر میں گندم کا ریٹ 2 ہزار روپے فی من مقرر کرے اگر قیمت 2 ہزار مقرر نہ کی تو کسان حکومت کو گندم ہر گز فروخت نہیں کریں گے کسانوں کو زرعی ٹیوب ویلز پر بجلی 5 روپے فی یونٹ فراہم کی جائے ہم 30 مارچ کو مطالبات کے حق میں سروں پر کفن باندھ کر احتجاج کریں گے اگر حکومت نے مطالبات پورے نہ کئے تو کسان ٹریکٹر ٹرالیاں لیکر لاہور اور اسلام آباد کی طرف مارچ کریں گے جسکی تمام تر ذمہ داری انتظامیہ پر عائد ہو گی۔