محکمہ فوڈ اتھارٹی حکومتی خزانے پر بوجھ بن گیا،وزیر اعلیٰ سے نوٹس لینےکا مطالبہ

بورے والا(چوہدری اصغر علی جاوید سے)محکمہ فوڈ اتھارٹی حکومتی خزانے پر بوجھ بن گیا،پرکشش تنخواہیں اور ائیر کنڈیشنڈ گاڑیوں کے باوجود مضر صحت اشیاء کی تیاری اور فروخت روکنے میں ناکام،کیمیکل ملے دودھ،بیمار اور لاغر جانوروں کے گوشت،مضر صحت جوسسز اور دیگر مشروبات کی دھڑلے سے تیاری اور فروخت سے انسانی جانیں داﺅ پر لگ گئیں،ایک دو کاروائیاں کر کے حکومت اور عوام کو افسران فوڈ اتھارٹی ماموں بنانے لگے،شہریوں کی جانب سے وزیر اعلیٰ پنجاب کو فوڈ اتھارٹی کی چشم پوشی اور ناقص کارکردگی کا فوری نوٹس لینے کا مطالبہ،تفصیلات کے مطابق محکمہ فوڈ اتھارٹی پنجاب جسکی ذمہ داری ہے کہ وہ کھانے پینے کی مضر صحت اشیاءکی تیاری اور فروخت کے خلاف بلاتفریق کاروائی کرے لیکن محکمہ کے فیلڈ افسران اور عملہ پرکشش تنخواہیں لیکر ایئر کنڈیشنڈ گاڑیوں میں گھومتے نظر آتے اور ائیر کنڈیشن گاڑی سے اتر کر چیک کرنا بھی گوارا نہیں کرتے شہر اور گردونواح میں روزانہ ہزاروں لیٹر کیمیکل سے تیار کردہ جعلی دودھ کی فروخت،پاوڈر سے بنے کھوئے کی تیاری اور فروخت ہوٹلوں میں غیر معیاری مضر صحت گھی سے تیار کردہ کھانوں کی فروخت مشہور برانڈ کے جعلی غیر معیاری،مضر صحت جوسسز اور مشروبات کی تیاری،مضر صحت لاغر،بیمار اور مردہ جانوروں کے گوشت کی فروخت سمیت دیگر کھانے پینے کی اشیاءمیں ملاوٹ سے تیار کردہ اشیاءکی فروخت میں غیر معمولی اضافہ کو روکنے کیلئے ٹھوس عملی اقدامات نہ ہونے کے برابر ہیں بلکہ عوام کو ان انسان دشمنوں کے رحم و کرم پر چھوڑ دیا گیا ہے مہینے میں دو تین کاروائیاں کر کے عوام اور حکومت کو ماموں بنایا جا رہا ہے اس بدترین صورتحال کی وجہ سے شہری جان لیوا خطرناک امراض کا شکار ہو کر موت کے منہ میں جا رہے ہیں مقامی نمائندہ شہریوں نے وزیر اعلیٰ پنجاب کو محکمہ فوڈ اتھارٹی کی چشم پوشی اور فرائض سے غفلت کا فوری نوٹس لینے کا مطالبہ کیا ہے۔