ضلع وہاڑی میں پی ٹی آئی (ن) گروپ کبھی بھی نہیں بننے دوں گا۔نور خاں بھابھہ

بورے والا(چوہدری اصغر علی جاوید سے)پی ٹی آئی جنوبی پنجاب کے صدر نور خاں بھابھہ نے کہا ہے کہ ضلع وہاڑی میں پی ٹی آئی (این) نہیں بننے دی جائے گی پارٹی میں موجود مفاد پرست راہ راست پر آ جائیں اور پارٹی کو نقصان پہنچانے کی بجائے اتحاد و اتفاق کا مظاہرہ کریں،ان خیالات کا اظہار انہوں نے گزشتہ روز مقامی ہوٹل میں ٹاﺅن کمیٹی گگومنڈی کے عہدیداران کی تقریب حلف برداری سے خطاب کرتے ہوئے کیا نور خاں بھابھہ نے کہا کہ میرا سب کچھ پارٹی کیلئے ہے میں صرف پارٹی چیئرمین عمران خان کو جوابدہ ہوں جبکہ چند مفاد پرست عناصر پارٹی کا امیج خراب کر رہے ہیں میں ضلع وہاڑی میں پی ٹی آئی (ن) گروپ کبھی بھی نہیں بننے دوں گا اور پارٹی کی تنظیم سازی آئین و قانون کے مطابق کی جائے گی اس موقع پر انہوں نے ٹاﺅن کمیٹی گگومنڈی کے عہدیداران سے حلف برداری بھی لی جس کے مطابق صدر نعیم اعجاز چوہدری،سینئر نائب صدر شیخ طارق محمود،نائب صدر (اول) ملک غفار اعوان،نائب صدر (دوم) محمد ہاشم خان،جنرل سیکرٹری قادس انس گورایہ،ایڈیشنل جنرل سیکرٹری عصمت اللہ خان،ڈپٹی جنرل سیکرٹری طاہر شہزاد،طارق مغل،سیکرٹری ممبر شپ عثمان احمد وڑائچ،سیکرٹری انفارمیشن احسان یوسف اور سیکرٹری فنانس میاں محمد یٰسین کو نامزد کیا گیا اس موقع پر سابق ایم پی اے چوہدری ارشاد احمد آرائیں،ضلعی جنرل سیکرٹری چوہدری عمران ارشاد،سابق چیئرمین چوہدری لیاقت علی،صدر یوتھ ونگ تیمور السلام،میاں محمد ظفر،تحصیل صدر پی ٹی آئی طارق محمود باجوہ،جنرل سیکرٹری تحصیل بورے والا ارشاد احمد چوہان،غلام مصطفےٰ بھٹی،رانا نصیر احمد،چوہدری یٰسین گجر،عدیل گجر،میاں عبدالغفور،یونس واہلہ اور شفاقت علی کے علاوہ کارکنان کی کثیرتعداد موجود تھی۔