پریس کلب کی ممبر شپ کا تنازعہ حل ہو گیا،مذاکراتی کمیٹی نے 17 نئے صحافیوں کو ممبر شپ دیدی
بورے والا(چوہدری اصغر علی جاوید سے)پریس کلب بورے والا کی ممبر شپ کا تنازعہ حل ہو گیا،ضلعی صدر ”ایمرا“ شیخ عدنان کی سربراہی میں مذاکراتی کمیٹی نے 17 نئے ممبرز کی منظوری دیدی،نئے ممبرز میں ٹی وی چینلز اور اخبارات کے رپورٹرز شامل ہیں،پریس کلب کے ارکان کی طرف سے فیصلے کا خیر مقدم،نئے ممبران کی طرف سے مذاکراتی کمیٹی کے فیصلے پر اظہار تشکر،تفصیلات کے مطابق تین ماہ قبل پریس کلب بورے والا کی ممبر شپ کے حوالہ سے پرنٹ و الیکٹرانک میڈیا سے تعلق رکھنے والے ورکنگ جرنلسٹس اتحاد کی جانب سے جاری احتجاجی دھرنے کو ختم کروانے اور ممبر شپ کے معاملات کو مذاکرات کے ذریعے حل کرنے کیلئے پریس کلب اور ورکنگ جرنلسٹس اتحاد کی جانب سے ”ایمرا“ ڈسٹرکٹ وہاڑی کے صدر شیخ عدنان کو چیف ثالث مقرر کرتے ہوئے دونوں جانب سے تین تین ارکان پر مشتمل مذاکراتی کمیٹی تشکیل دے دی گئی تھی اور پریس کلب کی تالہ بندی کر دی گئی تھی مذاکراتی کمیٹی نے تین ماہ کے دوران مزاکراتی عمل جاری رکھا اور چیف ثالث نے فریقین کے دلائل سننے کے بعد 17 صحافیوں کو جن میں ندیم انجم سندھو،احمد کامران تھہیم،محمد ارشد ڈوگر،مسعود عابد،شیر خاں کھچی،سمیع اللہ جٹ،ماجد امیر گجر،میاں شاہد سلیم،محمد کریم سیفی،محمد شہباز قریشی،سید عرفان احمد شاہ،ملک طالب حسین،محمد وسیم ڈوگر،چوہدری کاشف اقبال،سردار سکندر حیات ڈوگر،شاہد ندیم بھٹی اور ڈاکٹر عبدالغفار شامل ہیں انکو پریس کلب کی باقاعدہ ممبر شپ دینے کی منظوری دیدی ثالثی فیصلے کو رول آف کورٹ بنا کر شیخ عدنان نے پریس کلب بورے والا میں منعقدہ تقریب کے دوران تمام ممبران کی موجودگی میں یہ فیصلہ سنا دیا اس تقریب میں بزرگ صحافی بانی ممبر پریس کلب احمد وسیم شیخ،صدر ندیم مشتاق رامے،چیئرمین میاں طارق محمود،جنرل سیکرٹری مہر اعجاز احمد،سابق صدر اصغر علی جاوید کامریڈ،سابق جنرل سیکرٹری چوہدری اصغر علی جاوید اور دیگر نے اس فیصلے کا خیر مقدم کرتے ہوئے اسے پریس کلب کی بقاءکیلئے ایک سنگ میل قرار دیا انہوں نے کہا کہ ہم امید رکھتے ہیں کہ نئے ممبران پریس کلب کے وقار میں اضافے اور اسکی تعمیر و ترقی میں اپنا مثبت کردار ادا کریں گے اور باہمی بھائی چارے کو فروغ دیں گے نئے ممبران نے اس بات کا اعادہ کیا کہ وہ اپنے سینئرز کا مکمل احترام کرتے ہوئے ادارہ کے وقار میں اضافہ کے لئے اسکی روایات کو برقرار رکھتے ہوئے مثبت اور تعمیری صحافت کو فروغ دیں گے اس موقع پر تمام نئے ممبران کو پریس کلب کے عہدیداران اور ارکان کی طرف سے پھولوں کے ہار پہنائے گئے۔
About Author
