شہری غیر محفوظ،12 گھنٹے میں چوری اور ڈکیتی کی چھ وارداتیں،شہری لاکھوں روپے سے محروم
بورے والا(چوہدری اصغر علی جاوید سے)شہری غیر محفوظ،بارہ گھنٹے کے دوران چوری اور ڈکیتی کی 6 مختلف وارداتیں،ڈاکو لاکھوں روپے نقدی،موبائل فونز اور قیمتی اشیاء لوٹ کر فرار،سوئیٹس اینڈ بیکرز پر ڈکیتی کی سی سی ٹی وی فوٹیج بھی منظرعام پر آ گئی،تفصیلات کے مطابق شہر اور مضافات میں بارہ گھنٹوں کے دوران چوری اور ڈکیتی کی چھ مختلف وارداتوں میں نامعلوم مسلح ڈاکو لاکھوں روپے نقدی،موبائل فونز اور قیمتی اشیاء لوٹ کر فرار ہو گئے ڈکیتی کی پہلی واردات تھانہ سٹی کی حدود میں واقع راجہ ابراہیم سوئیٹس اینڈ بیکرز سے کار سوار دو نامعلوم نقاب پوش مسلح ڈاکو دوکاندار اور گاہکوں کو یرغمال بنا کر ہزاروں روپے نقدی،موبائل فونز اور قیمتی اشیاء لوٹ کر فرار ہو گئے واقع کی سی سی ٹی وی فوٹیج بھی موصول ہو گئی فوٹیج میں واضح طور پر دیکھا جا سکتا ہے کہ دو مسلح ڈاکو دوکان میں داخل ہوتے ہی دوکاندار اور سیلز مین کو اسلحہ کے زور پر یرغمال بنا لیتے ہیں اور ایک ڈاکو کاﺅنٹر کی اندرونی سائیڈ پر دراز سے ہزاروں روپے نقدی لوٹ لیتا ہے اور دوسرا ڈاکو دوکان میں خریداری کیلئے آنے والے گاہکوں کو بھی یرغمال بنا کر انکی جیبوں سے ہزاروں روپے نقدی،موبائل فونز اور قیمتی اشیاء لوٹ کر موقع سے فرار ہو جاتے ہیں چوری کی دوسری واردات بھی تھانہ سٹی کی حدود مجاہد کالونی میں واقع چوہدری میڈیکل سٹور کے تالے توڑ کر کیش کاﺅنٹر سے نقدی لوٹ کر فرار ہو گئے،چوری کی تیسری واردات بھی تھانہ سٹی کی حدود میں واقع الطبیب فارمیسی کے تالے توڑ کر دو لاکھ روپے نقدی اور ڈی وی آر لے اڑے،چوری کی چوتھی واردات تھانہ صدر کی حدود میں واقع کینال ویو ہاﺅسنگ سوسائٹی میں واقع عطار سپر سٹور پر ہوئی جہاں نامعلوم مسلح ڈاکو دوکان کے تالے توڑ کر چائے،آٹا،گھی،سگریٹ،مختلف کمپنیوں کے لوڈ والے موبائل اور کیش کاﺅنٹر کے دراز سے ہزاروں روپے نقدی لے کر فرار ہو گئے چوری کی پانچویں واردات بھی تھانہ صدر کی حدود میں واقع مارشل ٹاﺅن میں ہوئی جہاں پر نامعلوم ڈاکو ایکوا بلیو واٹر پلانٹ کے تالے توڑ کر ہزاروں روپے نقدی لوٹ کر فرار ہو گئے جبکہ چوری کی چھٹی واردات تھانہ ماڈل ٹاﺅن کی حدود میں واقع ”ماں جی“ ٹیلرز شاپ کے رات کی تاریکی میں تالے توڑ کر جینٹس اور مردانہ سوٹوں سمیت برائیڈل لہنگا اور نقدی لوٹ کر فرار ہو گئے شہر میں بڑھتی ہوئی چوری اور ڈکیتی کی وارداتوں کی وجہ سے شہریوں میں تشویش پائی جاتی ہے۔
About Author
