بورے والا میں خواتین کے حقوق کیلئے کام کرنے والے ادارے اہم رول ادا کر رہے ہیں۔ملک فاروق اعوان

بورے والا(چوہدری اصغر علی جاوید سے)پاکستان تحریک انصاف جنوبی پنجاب کے جوائنٹ سیکرٹری ملک فاروق احمد اعوان ایڈووکیٹ نے کہا ہے کہ وزیر اعظم پاکستان عمران خان کے ویژن کے مطابق ملک بھر میں خواتیں، بچوں اور اقلیتوں کے تحفظ کیلئے بھرپور اقدامات کئے جا رہے ہیں سماجی تنظیمیں حکومت کے ساتھ شانہ بشانہ ملکر معاشرے کی اصلاح اور قوانین کے متعلق معلومات فراہم کریں موجودہ حکومت بھرپور کوشش کر رہی ہے،بورے والا میں جامنی عورتیں اور دیگر ادارے اہم رول ادا کر رہے ہیں سرکاری و غیر سرکاری اداروں میں خواتین کو کام کیلئے موقعے دیا جا رہے ہیں اگر کوئی شخص قانون کی خلاف ورزی کرے گا اس کے خلاف سخت کارروائی کی جائے گی،پاکستان کے قوانین کا احترام اور ان پر عملدرآمد کی اشد ضرورت ہے،ان خیالات کا اظہار انہوں نے جنسی حراسگی پر”جامنی عورتوں” کی آگاہی مہم کے حوالہ سے منعقدہ تقریب سے خطاب کرتے ہوئے کیا اس موقع پر خواتین نے جنسی حراسگی بارے آرٹ کے مختلف فن پارے بھی آویزاں کئے تقریب سے خطاب میں ڈبلیو ایف ایس کی کوارڈنیٹر حمیرا مبارک نے کہا کہ ہمیں تشدد کے بڑھتے ہوئے کیسسز کے خلاف فوری ایکشن لینا چاہے جس طرح آج کل بچوں کے ساتھ جنسی زیادتی اور بچوں کو ہراساں کیا جا رہا ہے ہمیں اس کی روک تھام کیلئے فوری اقدامات لینے چاہیے ہم حکومت سے مطالبہ کرتے ہیں کہ ضلع وہاڑی میں عورتوں،بچوں،اقلیتوں اور خواجہ سراﺅں کے خلاف ذہنی،جسمانی،جنسی،معاشی تشدد نامنظور،ضلعی انتظامیہ،صوبائی اور وفاقی حکومت سخت سے سخت قوانین بنائے اور مجرموں کو سزا دی جائے اس موقع پر کوارڈینٹر ڈبلیو ایف ایس ضلع وہاڑی نعیم اختر انتقال،سول سوسائٹی نیٹ ورک کے سنیئر راہنما سید زاہد حسین مشہدی،سوشل ویلفیئر آفیسر اظہار خالد،،صدر ”ایمرا“ ندیم انجم سدھو،سماجی راہنما نعیم انصاری،سوشل ویلفیئر اینڈ کمیونٹی ڈویلپمنٹ سوسائٹی بورے والا کے صدر محمد شیر خان کھچی کے علاوہ کثیر تعداد میں خواتین نے شرکت کی۔