محکمہ ہائی وے اور ٹھیکیدار تاخیری حربے استعمال کرکے حکومت کو بدنام کرنا چاہتے ہیں،چوہدری محمد اسحاق
بورے والا(چوہدری اصغر علی جاوید سے)ایک سال سے زیر تعمیر ٹو بی آر روڈ کیلئے فنڈز کی عدم فراہمی اور بلاجواز تاخیر پر لیگی کارکنان کا حکومت اور محکمہ ہائی وے کے خلاف احتجاجی مظاہرہ،مظاہرین نے ٹائر جلا کر روڈ بلاک کرد ی،”اگر سڑک کی تعمیر کیلئے مکمل فنڈز جاری کرکے اسے مکمل نہ کروایا تو(ن)لیگی امیدواروں کی سخت مخالفت کریں گے“مظاہرین،محکمہ ہائی وے اور ٹھیکیدار تاخیری حربے استعمال کرکے حکومت کو بدنام کرنا چاہتے ہیں،چیئرمین یوسی چوہدری محمد اسحاق،تفصیلات کے مطابق بورے والا سے505ای بی روڈ پر واقع حلقہ ٹو بی آر کے درجنوں دیہات کے لیگی کارکنان نواحی گاﺅں128ای بی میں حکومت اور محکمہ پراونشل ہائی وے کے خلاف احتجاجی مظاہرہ کیا مظاہرین نے ٹائر جلا کر روڈ بلاک کر دی اور حکومت کی جانب سے ایک سال قبل شروع کروائے گئے سڑک کی تعمیر کے اس منصوبے کے لیے مطلوبہ فنڈز فراہم نہ کرنے اور محکمہ ہائی وے کی مجرمانہ غفلت سے کئی کلومیٹر روڈ کو اکھاڑ کر آمدروفت کے راستے بند کیے جانے پر زبردست احتجاجی مظاہرہ کیا مظاہرے میں شامل سینکڑوں لیگی کارکنان نے الزام عائد کیا کہ حکومت نے اس منصوبے کیلئے منظور شدہ فنڈز جاری نہ کرکے اس علاقہ کے ہزاروں افراد کو مسلم لیگ کا ساتھ دینے کی سزا دی ہے مقامی ارکان اسمبلی کو بھی اس سڑک کی تکمیل میں کوئی دلچسپی نظر نہیں آ رہی پہلے سے موجود سڑک کو اکھاڑ کر اس پر پتھر ڈال دیا گیا اور ایک سال سے اس پتھر کی وجہ سے ان دیہات کے لوگوں کی شہر تک رسائی انتہائی مشکل ہو چکی ہے اس موقع پر علاقہ کے لیگی راہنماﺅں چیئرمین یوسی چوہدری محمد اسحاق،وائس چیئرمین چوہدری شاہد غنی،چوہدری شاہد،حافظ نصراللہ،چیئرمین یوسی چوہدری نثار ولیکا،میاں ذیشان آصف اور طاہر غنی کے علاوہ دیگر نے کہا کہ یہ علاقہ مسلم لیگ(ن)کا گڑھ ہے لیکن اس سڑک کی تعمیر میں غیر معمولی تاخیر نے لیگی کارکنان کو بھی حکومت کے خلاف سڑکوں پر آنے پر مجبور کر دیا ہے اگر حکومت نے فوری طور پر اس منصوبے کے لیے مطلوبہ فنڈز جاری نہ کیے تو آئندہ الیکشن میں علاقہ کے تمام لیگی کارکنان حکومت کی ڈٹ کر مخالفت کریں گے۔
About Author
