آر پی او ملتان وسیم احمد خاں نے سول سوسائٹی کے ہمراہ بورے والا ”سیف سٹی“ پراجیکٹ کا افتتاح کر دیا
بورے والا(چوہدری اصغر علی جاوید سے)آر پی او ملتان وسیم احمد خاں نے بورے والا ”سیف سٹی“ پراجیکٹ کا افتتاح کر دیا،لاہور کے بعد بورے والا واحد شہر ہے جس میں ”سیف سٹی“ منصوبہ مکمل ہو گیا،منصوبہ سول سوسائٹی نیٹ ورک اور کوثر مجید فاﺅنڈیشن کے تعاون سے مکمل ہوا،منصوبے پر 40 لاکھ روپے لاگت آئی،تفصیلات کے مطابق آر پی او ملتان وسیم احمد خاں نے ڈی پی او وہاڑی احسان اللہ چوہان،ڈی ایس پی شمس الدین خاں،سول سوسائٹی نیٹ ورک کے پیٹرن انچیف شیخ شہزاد مبین اور نمائندہ شہریوں کے ہمراہ کوثر مجید فاﺅنڈیشن اور سول سوسائٹی نیٹ ورک کے تعاون سے بورے والا شہر کے پانچ مختلف داخلی و خارجی راستوں پر 28 جدید سی سی ٹی وی کیمروں پر مشتمل ”سیف سٹی“ منصوبے کا باقاعدہ افتتاح کر دیا سماجی شعبے کے تعاون سے 40 لاکھ روپے کی خطیر رقم سے پنجاب میں اپنی نوعیت کا پہلا منصوبہ ہے ڈی ایس آفس میں منصوبے کی افتتاحی تقریب سادگی اور ”کورونا“ ایس او پیز کو مد نظر رکھ کر منعقد کروائی گئی افتتاحی تقریب سے خطاب کرتے ہوئے آر پی او ملتان وسیم احمد خاں نے کہا کہ کمیونٹی پولیسنگ عوام کے تعاون کے بغیر ممکن نہیں سماجی شعبہ کی طرف سے محکمہ پولیس کے ساتھ تعاون سے ناصرف پولیس کی کارکردگی میں اضافہ ہوتا ہے بلکہ جرائم پر قابو پانے میں بھرپور مدد ملتی ہے بورے والا ”سیف سٹی“ منصوبہ قابل ستائش ہے جس میں شیخ شہزاد مبین اور انکی ٹیم مبارک باد کی مستحق ہے کسی بھی سوسائٹی کے اچھا یا برا ہونے کا عکس پولیس میں ضرور نظر آتا ہے سول سوسائٹی کو چاہیے کہ وہ ایک مثالی معاشرے کی تشکیل میں اپنا کردار کرے بورے والا کی طرز پر وہاڑی اور دیگر شہروں میں بھی سماجی شعبہ اور سول سوسائٹی کو ملکر ایسے منصوبے مکمل کرنے چاہئیں جس سے جرائم پیشہ افراد پر کڑی نظر رکھنے میں مدد ملے گی اور جرائم میں خاطر خواہ کمی واقع ہو گی تقریب سے خطاب کرتے ہوئے ڈی پی او وہاڑی احسان اللہ چوہان نے کہا کہ بورے والا کی سول سوسائٹی نے ہمیشہ پولیس سمیت دیگر اداروں سے ملکر عوامی فلاح و بہبود اور مسائل کے حل میں اپنا کردار ادا کیا ہے سول سوسائٹی سمیت تمام سٹیک ہولڈرز کو نہ صرف اجتماعی بلکہ انفرادی حیثیت سے بھی اپنے شہر کے فلاحی منصوبوں میں بڑھ چڑھ کر حصہ لینا چاہئے پولیس اور عوام کے مابین ماحول کو سازگار بنا کر جرائم کو جڑ سے اکھاڑنے کا خواب پورا کیا جا سکتا ہے سول سوسائٹی نیٹ ورک کے آئی ٹی ہیڈ شہزاد مصطفی چوہان نے منصوبے پر بریفنگ دی جبکہ آر پی او ملتان نے سیف سٹی منصوبے کے افتتاح کے بعد کنٹرول روم کا بھی وزٹ کیا اس تقریب میں ڈی ایس پی ہیڈ کوارٹر فلک شیر بھٹی،صدر بار نوید احمد چیمہ،جنرل سیکرٹری کاشف مقبول جٹھول،سابق صدر بار ملک فرقان یوسف کھوکھر،کنونیئر سول سوسائٹی نیٹ ورک عبدالرﺅف چوہدری،صدر مرکزی انجمن تاجران محمد جمیل بھٹی،صدر انجمن آڑھتیاں سبزی منڈی حاجی عاشق علی آرائیں،معروف بزنس مین شیخ شاہ رخ،شیخ عابد فاروق،کسان اتحاد کے مرکزی صدر ملک ذوالفقار اعوان،چوہدری اعجاز اسلم ،میاں خالد حسین،رانا محمد اجمل خان،پروفیسر جاوید اقبال،پروفیسر کرامت علی شکیل،چوہدری اصغر علی جاوید،چوہدری احتشام داﺅد،حافظ جنید احمد،میاں طیب شریف،چوہدری قیصر نذیر،چوہدری ندیم عباس اور دیگر نمائندہ شخصیات نے بھی شرکت کی۔
About Author
