سب کو ملکر اپنے اردگرد مستحق افراد کی خدمت کرنے میں کردار ادا کرنا چاہیے۔پروفیسر مجید اکبر
بورے والا(چوہدری اصغر علی جاوید سے)ڈائریکٹر پنجاب کالج پروفیسر مجید اکبر نے کہا ہے کہ غریب،نادار اور بے سہارا لوگ صاحب ثروت لوگوں کی توجہ کے مستحق ہوتے ہیں اللہ پاک جو دولت انسان کو عطاء کرتا ہے اسکا کچھ حصہ اسکے بندوں کی خدمت پر صرف کر دے آپکی دولت میں بھی اضافہ ہوتا ہے اور معاشرے میں بھی عزت بڑھتی ہے،دکھی اور بے سہارا لوگوں کی خوشیوں میں حصہ ڈالنا انسانیت ہے ہمارا مذہب بھی ہمیں انسانیت ہی کا درس دیتا ہے،ان خیالات کا اظہار انہوں نے کوثر مجید فاﺅنڈیشن اور سول سوسائٹی نیٹ ورک کے زیر اہتمام غریب،نادار،مستحق اور یتیم بچیوں کی اجتماعی شادیوں کی تقریب سے خطاب کرتے ہوئے کیا تقریب کے میزبان سول سوسائٹی نیٹ ورک کے پیٹرن انچیف شیخ شہزاد مبین نے تمام مہمانوں کا شکریہ ادا کرتے ہوئے شادی کے بندھن میں بندھنے والے 24 جوڑوں کو مبارک باد دی اور کہا کہ مجھ سے اللہ پاک نے جو کام لینا ہے وہ کر رہا ہوں اللہ کی مدد شامل حال رہی تو یہ سلسلہ زندگی بھر جاری رکھوں گا ہم سب کو اپنے اردگرد بے سہارا اور مستحق افراد کی خدمت کرنے میں اپنا کردار ادا کرنا چاہئے تقریب کے سٹیج سیکرٹری پروفیسر کرامت شکیل تھے جبکہ اس تقریب میں سابق صدر بار ملک فرقان یوسف کھوکھر،شیخ معیض احمد،پروفیسر ظفر عبداللہ،پروفیسر جاوید اقبال،پروفیسر مشتاق احمد،سابق صدر وہاڑی چیمبر آف کامرس چوہدری غضنفر علی،چوہدری محمد قیصر،چوہدری ندیم عباس،معروف بزنس مین شیخ شاہ رخ،چوہدری رفعت طاہر،سیکرٹری گڈ گورنرنس ضلع وہاڑی عبدالرﺅف چوہدری،ڈپٹی کنونیئر سول سوسائٹی نیٹ ورک چوہدری اصغر علی جاوید،سول سوسائٹی کے بزرگ راہنما سید زاہد حسین مشہدی،ممبرز سول سوسائٹی نیٹ ورک چوہدری ندیم انجم سندھو،چوہدری احتشام داﺅد،حافظ جنید احمد،شہزاد مصطفےٰ چوہان،کاشف اقبال چوہدری،محمد لطیف خلجی،محمد شیر خاں کھچی،مسعود عابد رشید،شاہد ندیم بھٹی اور دیگر نمائندہ شخصیات کی کثیر تعداد نے شرکت کی بعدازاں تمام شادی شدہ جوڑوں کو نیک دعاﺅں کے ساتھ رخصت کیا۔
About Author
