اداروں کے خلاف جو زبان استعمال ہو رہی ہے اس کی ذمہ دار حکومت ہے۔سابق گورنر مخدوم احمد محمود

بورے والا(چوہدری اصغر علی جاوید سے)سابق گورنر پنجاب و صوبائی صدر پیپلز پارٹی جنوبی پنجاب مخدوم سید احمد محمود نے کہا ہے کہ اب ملک میں اداروں کے خلاف جو زبان استعمال ہو رہی ہے اسکی ذمہ دار حکومت خود ہے حکومت نے اپوزیشن کو دیوار سے لگا کر ایسی زبان استعمال کرنے پر مجبور کیا ہے کیونکہ کوئی بھی شخص کسی کو جان بوجھ کر گالی نہیں دیتا جب تک اسے مجبور نہ کیا جائے اگر تین بار ملک کا وزیر اعظم رہنے والا ایسی زبان استعمال کرنے پر مجبور ہوتا ہے تو اسکے بیان سے زیادہ اسکے پیچھے محرکات کو دیکھنا ہو گا،ملکی تاریخ میں پہلی مرتبہ پنجاب میں اسٹیبلشمنٹ کی لڑائی ہو رہی ہے اس سے پہلے بلوچستان،سندھ اور کے پی کے میں یہ لڑائی تھی جو کہ اچھا شگون نہیں ہے کیونکہ حکومت کا کوئی سیاسی وجود نہیں جب تک غیر سیاسی قوتوں کا ساتھ ہے عمران خان اس وقت تک اقتدار میں ہے اپوزیشن جماعتوں کو اکٹھا کرنے کی ذمہ دار خود حکومت ہے حکومت کے وزیر اعلیٰ کو اب تک یہ یقین نہیں کہ وہ وزیر اعلیٰ ہیں ایسا ہی حال وزراء کا بھی ہے،ان خیالات کا اظہار انہوں نے پیپلز لیبر بیورو جنوبی پنجاب کے نائب صدر کیپٹن (ر) محمد اسماعیل کے بیٹے چوہدری محمد طارق کی وفات پر ان سے اظہار تعزیت اور فاتحہ خوانی کے بعد میڈیا سے گفتگو کرتے ہوئے کیا اس موقع پر سابق ایم این اے و جنرل سیکرٹری پی پی پی جنوبی پنجاب نتاشا دولتانہ،ضلعی صدر پی پی پی و سابق ایم این اے محمود حیات عرف ٹوچی خاں،سیکرٹری انفارمیشن جنوبی پنجاب خواجہ رضوان عالم،سابق صوبائی وزیر چوہدری محمود اختر گھمن،پیپلز پارٹی جنوبی پنجاب کی فنانس سیکرٹری شگفتہ چوہدری،ضلعی صدر پی ایل بی محمد صدیق بھلر،غلام مرتضی چوہان،ملک صغیر انجم،عبدالغفور رحمانی،شہباز ڈوگر،چوہدری گلزار احمد گجر اور مرحوم کے بیٹے چوہدری شاہزیب طارق اور چوہدری اویس طارق بھی موجود تھے ایک سوال کے جواب میں انہوں نے کہا کہ نااہل حکومت کے ہر فیصلے نے ملک میں مہنگائی اور معاشی بدحالی کو فروغ دیا ہے حکومت مکمل طور پر ناکام ہو چکی ہے بین الاقوامی سطح پر ہمارا ملک آئیسولیشن کا شکار ہو چکا ہے اور اس آئیسولیشن سے بلاول کے علاوہ کوئی ریسکیو نہیں کر سکتا بلاول بھٹو گلگت بلتستان میں عوامی لحاظ سے کامیاب ہو چکے ہیں لیکن اب رزلٹ بنانے والے کیسا بناتے ہیں یہ کچھ پتا نہیں۔