یوگا نہ صرف جسمانی ورزش ہے بلکہ یہ انسان کو ذہنی طور پر صحت مند رکھنے کا عمل ہے۔یوگی ریاض کھوکھر

بورے والا(چوہدری اصغر علی جاوید سے)پاکستان یوگا کونسل اور بورے والا جوائے لینڈ کے اشتراک سے یوگا فیملی میلے کا انعقاد،میلے کے یوگا سیشن میں سینکڑوں بچوں،جوانوں اور خواتین نے شرکت کی،بورے والا کی تاریخ کا سب سے منفرد صحت مند میلہ،تفصیلات کے مطابق پاکستان یوگا کونسل اور بورے والا جوائے لینڈ کے اشتراک سے بورے والا جوائے لینڈ میں ایک خوبصورت رنگا رنگ”یوگا فیملی میلہ” کا انعقاد کیا گیا جس میں ملک کے لیجنڈ قومی ایوارڈ یافتہ پاکستان یوگا کونسل کے پیٹرن انچیف یوگی محمد ریاض کھوکھر نے یوگا سیشن میں سینکڑوں بچوں،جوانوں اور خواتین کو یوگا کی تربیت دی یوگا سیشن کے اختتام پر یوگی ریاض کھوکھر نے میڈیا سے گفتگو کرتے ہوئے کہا کہ یوگا نہ صرف جسمانی ورزش ہے بلکہ یہ انسان کو ذہنی طور پر صحت مند رکھنے کا عمل ہے بورے والا میں عوام کی طرف سے یوگا کو جو پذیرائی ملی ہے وہ قابل ستائش ہے ہمارا مقصد صحت مند پاکستان کا قیام ہے کیونکہ اگر ہمارا معاشرہ صحت مند ہو گا تو بیماریوں سے نجات پا کر ہسپتال ویران ہونگے صحت مند سرگرمیوں کو فروغ دیکر ہمیں صحت مند پاکستان کا خواب شرمندہ تعبیر کرنا ہو گا اس فیملی میلے کے آخر میں بیرسٹر شہزاد سلیم بھٹی کی طرف سے تمام شرکاء کو پرتکلف ناشتہ بھی دیا گیا۔