آپ کو ان کھانوں کے بارے میں بتاتے ہیں جو پیٹ میں گیس بناتے ہیں

نیویارک(نیوز رپورٹر)آپ کو ایسے کھانوں کے بارے میں بتاتے ہیں جو آپ کے پیٹ میں گیس بناتے ہیں۔
کولڈ ڈرنکس
اگر آپ کوک یا پیپسی اور دیگر سوڈا پینے کے شوقین ہیں تو آپ کے پیٹ میں بہت زیادہ گیس بنے گی کاربونیٹیڈ مشروبات میں بننے والے بلبلوں کی وجہ سے پیٹ میں گیس بنتی ہے اور ہوا کا اخراج بڑھ جاتا ہے۔
سلاد
آپ سمجھتے ہوں گے کہ سلاد صحت کے لئے اچھی ہوتی ہے لیکن کچھ سبزیاں ایسی بھی ہوتی ہیں جس کی وجہ سے پیٹ میں گیس بنتی ہے ان سبزیوں میں بندگوبھی،براکلی اور پالک شامل ہے یہ کاربوہائیڈریٹس صحیح طرح سے ہضم نہیں ہو پاتیں اور پیٹ میں گیس کا سبب بنتی ہیں۔
لال مولی
اس کا شمار ان سبزیوں میں ہوتا ہے جو پیٹ میں سب سے زیادہ گیس بناتی ہیں اور اگرآپ ان کا استعمال کرتے ہیں تو پھر آپ کے پیٹ میں زیادہ گیس بنے گی۔
کھانا چبا کر نہ کھانا
جب ہم کھانا صھیح طرح چبا کر نہیں کھاتے تو پیٹ میں ہوا کی کچھ مقدار معدے میں جاتی ہے اور گیس کا سبب بنتی ہے۔
میٹھا کھانا
چینی میں ایسے اجزاء پائے جاتے ہیں جس کی وجہ سے گیس بنتی ہے یہ اجزاء صحیح طرح ہضم نہیں ہو پاتے اور گیس کی صورت میں پیٹ سے خارج ہوتے ہیں اگر آپ زیادہ چینی کھاتے ہیں تو آپ کے پیٹ میں زیادہ گیس بنے گی۔
ذہنی تناﺅ
اگر آپ ذہنی تناﺅ کا شکار ہو جائیں تو اعصاب پر دباﺅ کی وجہ سے یہ مسئلہ ہو سکتا ہے چونکہ ہمارے دماغ کا تعلق براہ راست معدے سے ہوتا ہے لہذا اعصاب پر دباﺅ کی وجہ سے معدے میں گیس بنتی ہے۔
بچے کی پیدائش
کچھ خواتین کے ساتھ ایسا بھی ہوتا ہے کہ بچے کی پیدائش کے بعد پیٹ میں گیس بننے لگتی ہے لہذا پریشانی کی کوئی بات نہیں کیونکہ یہ مسئلہ کچھ ہفتوں بعد حل ہو جاتا ہے۔