اشیاء خوردونوش کی سستے نرخوں پر فراہمی کیلئے سہولت بازار قائم کر دیئے ہیں۔وقاص رشید
بورے والا(چوہدری اصغر علی جاوید سے)ڈپٹی کمشنر وہاڑی کیپٹن (ر) وقاص رشید کا ”سہولت بازار“ بورے والا کا دورہ،سہولت بازار میں فراہم کی جانے اشیاء خوردنی اور دیگر سہولیات کا جائزہ بھی لیا،ڈپٹی کمشنر کیپٹن (ر) وقاص رشید نے کہا کہ حکومت پنجاب کی ہدایت کے مطابق اشیاء خوردونوش کی سستے نرخوں پر فراہمی کیلئے ضلع وہاڑی میں 3 سہولت بازار قائم کر دیئے گئے ہیں سہولت بازار ماڈل بازار وہاڑی،میونسپل کارپوریشن بورے والا سے ملحقہ کالج روڑ اور کمیٹی باغ میلسی میں قائم کئے گئے ہیں سہولت بازاروں میں آٹا،چینی،دالیں،سبزیاں،گو شت اور دیگر اشیاء ضروریہ سستے نرخوں پر فراہم کی جا رہی ہیں ان سہولت بازاروں کا مقصد عوام کو اچھی کوالٹی کی اشیاء خوردنی کی سستے نرخوں پر فراہمی کو ممکن بنانا ہے سہولت بازاروں سے گراں فروشی کنٹرول کرنے میں مدد ملے گی اور اشیاء خوردنی کی قیمتیں بھی کم ہوں گی اور ایسے دوکاندار جو ناجائز منافع خوری میں ملوث ہیں ان کی حوصلہ شکنی ہو گی ڈپٹی کمشنر کیپٹن (ر) وقاص رشید نے کہا کہ ناجائز منافع خوروں اور گراں فروشوں کی وجہ سے عوام کیلئے مشکلات پیدا ہو رہی ہیں ان کے خلاف بھی باقاعدگی سے کاروائیاں جاری رکھی جا رہی ہیں جس کیلئے پرائس کنٹرول مجسٹریٹس کو مزید متحرک کر دیا گیا ہے۔
About Author
