آئندہ بلدیاتی الیکشن میں تمام گروپوں کی مشاورت سے امیدواروں کا فیصلہ ہو گا۔نور خان بھابھہ

بورے والا(چوہدری اصغر علی جاوید سے)بلدیاتی الیکشن کیلئے پی ٹی آئی کے ارکان اسمبلی کی قیادت میں نئی صف بندی کا آغاز ہو گیا،ضلعی صدر اور سابق ایم این اے نذیر احمد جٹ کی پارٹی امور میں بے جا مداخلت کے خلاف اتحاد قائم ہو گیا،پارٹی تنظیم سازی اور بلدیاتی الیکشن میں مشاورت سے فیصلوں پر اتفاق،پارٹی کو کسی ایک شخص کے رحم و کرم پر نہیں چھوڑا جائے گا،اراکین اسمبلی،سابق ٹکٹ ہولڈرز اور پارٹی عہدیداروں کے اجلاس کی اندرونی کہانی سامنے آ گئی،تفصیلات کے مطابق پی ٹی آئی کے راہنماء سابق تحصیل ناظم چوہدری عثمان احمد وڑائچ کی رہائش گاہ پر تنظیمی امور اور آئندہ ممکنہ بلدیاتی الیکشن کے حوالہ سے ایک اہم مشاورتی اجلاس گذشتہ شب منعقد ہوا جس میں صدر پی ٹی آئی جنوبی پنجاب نور محمد خاں بھابھہ،ایم این اے (وہاڑی) چوہدری طاہر اقبال،ایم این اے (میلسی) اورنگزیب خاں کھچی،صوبائی پارلیمانی سیکرٹری برائے خوراک رائے ظہور احمد کھرل،ایم پی اے اعجاز سلطان بندیشہ،سابق ایم پی اے چوہدری ارشاد احمد آرائیں،پی ٹی آئی کے سابق ٹکٹ ہولڈر سردار خالد نثار ڈوگر،چوہدری زاہد اقبال،ضلعی جنرل سیکرٹری چوہدری عمران ارشاد،سینئر نائب صدر حیدر خاں پچار ایڈووکیٹ،ضلعی نائب صدر امیر حمزہ خاں سلدیرا،ایڈیشنل جنرل سیکرٹری غلام مصطفی بھٹی،ڈپٹی جنرل سیکرٹری حافظ ہارون الطاف،میاں ارشاد آرائیں،سیکرٹری فنانس ملک وسیم اعوان،سیکرٹری انفارمیشن ابراہیم گل،تحصیل صدر بورے والا طارق محمود باجوہ،جنرل سیکرٹری رانا وحید،سابق چیئرمین یوسی چوہدری ارشاد چوہان،پی ٹی آئی وہاڑی کے صدر شیخ خرم،پی ٹی آئی راہنماء سجاد حیدر بھٹی،سابق کونسلرز غلام مصطفےٰ بھٹی،بلدیہ شہباز حسین باجا بھٹی،سیٹھ اسرار احمد اور دیگر پارٹی راہنماﺅں نے شرکت کی ذرائع کے مطابق بند کمرے میں ہونے والے اس اجلاس میں ضلعی صدر پی ٹی آئی امجد حمید چوہان،سابق ایم این اے چوہدری نذیر احمد جٹ اور انکی بیٹی سینئر نائب صدر پی ٹی آئی جنوبی پنجاب عائشہ نذیر جٹ کی پارٹی کے تنظیمی امور اور آئندہ بلدیاتی الیکشن کے حوالہ سے بے جا مداخلت کے خلاف مشترکہ لائحہ عمل ترتیب دیا گیا ذرائع کے مطابق اجلاس میں فیصلہ کیا گیا کہ میونسپل کارپوریشن کی تنظیم سازی مشاورت سے کی جائے گی اور نذیر جٹ کی اس میں مداخلت کسی صورت برداشت نہیں کی جائے گی جبکہ آئندہ ممکنہ بلدیاتی الیکشن میں میئر اور تحصیل ناظم کے امیدواروں کا فیصلہ بھی نذیر جٹ کو نہیں کرنے دیا جائے گا بلکہ امیدواروں کی عوامی مقبولیت کو دیکھ کر کیا جائے گا اجلاس کے شرکاء نے متفقہ طور پر سابق ایم این چوہدری نذیر جٹ کے پارٹی امور اور بلدیاتی الیکشن پر اثر انداز ہونے کے خلاف بھی لائحہ عمل مرتب کر لیا گیا اجلاس کے بعد میڈیا سے گفتگو کرتے ہوئے پی ٹی آئی جنوبی پنجاب کے صدر نور خاں بھابھہ نے کہا ہے کہ بلدیاتی الیکشن دسمبر یا مارچ میں ہونگے پارٹی کسی بھی ایک شخصیت کی مرہون منت نہیں بلکہ تمام فیصلے مشاورت سے ملکر کئے جائیں گے ضلع وہاڑی کے تمام منتخب ارکان اسمبلی اور سابق ٹکٹ ہولڈر ایک ایجنڈے پر متفق ہیں میونسپل کارپوریشن کی جو تنظیم سب کے مشورے سے تجویز کی گئی تھی نذیر جٹ نے اسے تسلیم نہیں کیا اور اب انشاء اللہ آئندہ ہفتے تک کارپوریشن کی سٹی تنظیم کا اعلان کر دیا جائے گا ایک سوال کے جواب میں انہوں نے کہا کہ اگر سپریم کورٹ نے کوئی حکم نامہ جاری کر دیا تو حکومت بلدیاتی الیکشن دسمبر میں کروا دے گی اجلاس میں میزبان چوہدری عثمان وڑائچ نے کہا کہ آج ہم نذیر احمد جٹ اور ضلعی صدر امجد حمید چوہان کی طرف سے ضلعی تنظیم کے کچھ عہدیداروں کو فارغ کروانے کی کوشش کو روکنے کیلئے بلایا گیا ہے کیونکہ جب ضلعی تنظیم انکی مشاورت سے بنی تھی تو اب انکا اعتراض نہیں بنتا انشاء اللہ ہم سب ایک پیج پر ہیں اور پارٹی کی تنظیم سازی کے فیصلے ہماری مرضی کے بغیر نہیں ہو سکتے۔