ریسکیو اہلکاروں کی خدمات قابل رشک اور قابل تحسین ہیں۔سیمینار سے مقررین کا خطاب

بورے والا(چوہدری اصغر علی جاوید سے)ریسکیو 1122 اور نجی تعلیمی ادارے کے اشتراک سے فرسٹ ایڈ کے عالمی دن کے حوالے سے سیمینار اور واک کا اہتمام کیا گیا اس سلسلہ میں تقریب مقامی ہوٹل میں منعقد ہوئی تقریب کے مہمان خصوصی اسسٹنٹ کمشنر رانا اورنگزیب نے خطاب کرتے ہوئے کہا کہ فسٹ ایڈ عالمی دن منانے کا مقصد ٹریفک حادثات،قدرتی آفات اور کسی بھی ہنگامی صورتحال میں ریسکیو ٹیموں کے پہنچنے سے قبل متاثرہ افراد کو طبی امداد فراہم کرنے بارے آگاہی دینا ہے تا کہ قیمتی انسانی جانوں کو بچایا جا سکے ریسکیو 1122 کی خدمات بلاشبہ قابل تحسین ہیں یہ ایک ایسی سروس ہے جس نے اپنی عملی خدمات کی بدولت اپنے محکمہ کا وقار بلند کیا ہے ریسکیو اہلکاروں نے صحیح معنوں میں انسانی خدمت کے جذبہ سے خدمات انجام دیتے ہوئے ایک تاریخ رقم کی ہے ابتدائی طبی امداد کی وجہ سے اب تک لاکھوں افراد کی زندگیاں محفوظ بنانے کا سہرا ریسکیو سروس کے سر جاتا ہے سیمینار سے سٹیشن انچارج ریسکیو 1122 بورے والا مہدی حسن ظفر،ایس ڈی پی او شمس الدین خان،ڈپٹی ڈسٹرکٹ ہیلتھ آفیسر ڈاکٹر شاہد اقبال،پرنسپل زرعی یونیورسٹی فیصل آباد بورے والا کیمپس ساجد وسیم،پاکستان تحریک انصاف کے سینئر راہنما چوہدری اعجاز اسلم اور دیگر مقررین نے بھی خطاب کیا اس تقریب میں ڈپٹی ایجوکیشن آفیسر زنانہ عابدہ اسلام،سول سوسائٹی نیٹ ورک بورے والا کے ممبران میڈم صائمہ بتول،محمد شیر خان کھچی،مسعود عابد رشید،حافظ محمد طارق،شاہد ندیم بھٹی،پیٹرولنگ پوسٹ مانا موڑ انچارج کے سب انسپکٹر چوہدری محمد عظیم اور ٹائیگر فورس کے رضاکاروں،محکمہ تعلیم،سول سوسائٹی محکمہ صحت اور محکمہ پولیس کے اہلکاروں نے بھی شرکت کی سیمینار کے اختتام پر فرسٹ ایڈ کے حوالے سے واک کا اہتمام بھی کیا گیا۔