راہ حق میں جانوں کے نذرانے پیش کرنے والے ہمیشہ ہمیشہ کیلئے امر ہو جاتے ہیں۔نذیر جٹ

بورے والا(چوہدری اصغر علی جاوید سے)پی ٹی آئی کے راہنماء و سابق ایم این اے چوہدری نذیر احمد جٹ اور سینئر نائب صدر پی ٹی آئی جنوبی پنجاب عائشہ نذیر جٹ نے کہا ہے کہ راہ حق میں جانوں کے نذرانے پیش کرنے والے ہمیشہ ہمیشہ کیلئے امر ہو جاتے ہیں جذبہ شہادت سے سرشار قوم موجود ہو وہ قوم ناقابل تسخیر قوت ہوتی ہے،ہمیں اپنے شہیدوں اور غازیوں پر فخر ہے جنکی قربانیوں کی بدولت آج ہم ہر بیرونی دشمن سے محفوظ ہیں،پاکستانی فوج جدید پیشہ ورانہ صلاحیتوں سے لیس دنیا کی بہترین فوج ہے یہ ملک بہت سی قربانیاں اور بہت سی جانوں کے نذرانے پیش کر کے حاصل کیا گیا ہے ہمارے آباو اجداد نے اس ملک کی بنیاد رکھی اور ہمارے سرحد پار دشمن نے تین بار جارحیت کی جس کا پاک فوج نے منہ توڑ جواب دیا آج اگر یہ ملک قائم ہے تو اس وجہ سے کہ افواج پاکستان نے ہمیشہ ہمارا دفاع کیا آج اگر یہ دھرتی صیح سلامت ہے تو انہیں شہیدوں کے لہو کی وجہ سے ،انہیں شہیدوں کی قربانیوں کی وجہ سے جنہوں نے پاکستان کی خاطر اپنی جانوں کی پرواہ نہ کیے بغیر اپنے لہو کا آخری قطرہ تک بہا دیا،ان خیالات کا اظہار انہوں نے اپنے دفتر میں یوم دفاع کے حوالے سے منعقدہ تقریب سے خطاب کرتے ہوئے کیا تقریب سے چوہدری مختار احمد جٹ،چوہدری شفقت واہلہ،شاہنواز بھٹی اور دیگر مقررین نے بھی خطاب کیا۔