چوہدری فقیر آرائیں کے خلاف محکمہ انہار کی اراضی پر قبضہ کرنے کے جرم میں مقدمہ درج

بورے والا(نمائندہ خصوصی)مسلم لیگ(ن) کے ایم این اے چوہدری فقیر احمد آرائیں کے خلاف محکمہ انہار کی 5 کنال اراضی پر قبضہ کرنے کے جرم میں تھانہ شیخ فاضل پولیس نے مقدمہ درج کر لیا،مقدمہ بے بنیاد ہے سیاسی انتقام کا نشانہ بنایا جا رہا ہے،چوہدری فقیر احمد آرائیں،تفصیلات کے مطابق محکمہ انہار بورے والا کے ایس ڈی او کی مدعیت میں مسلم لیگ(ن) کے ایم این اے چوہدری فقیر احمد آرائیں سمیت 11 افراد کے خلاف سرکاری اراضی پر قبضہ کرنے کے جرم میں تھانہ شیخ فاضل پولیس نے مقدمہ درج کر لیا ایف آئی آر کے مطابق ایم این اے چوہدری فقیر احمد آرائیں اور دیگر افراد نے نواحی گاﺅں 108 (ای بی) میں محکمہ انہار کی سرکاری اراضی پر عرصہ دراز سے قبضہ کر کے اس پر فصلیں کاشت کی ہوئی ہیں جس پر ان سے سرکاری رقبہ واگزار کروانے کیلئے متعدد بار نوٹس بھی بھیجے گئے تھے لیکن انہوں نے جگہ خالی نہ کی ایس ڈی او نے پولیس سے سرکاری اراضی واگزار کروانے کی بھی استدعا کی ہے اس سلسلہ ایم این اے چوہدری فقیر احمد آرائیں کا موقف ہے کہ میرے خلاف مقدمہ سراسر غلط اور بے بنیاد ہے جو کہ پی ٹی آئی کے ایم پی اے کے ایماء پر درج ہوا ہے ایف آئی آر میں جس سرکاری اراضی پر قبضے کا ذکر ہے وہ خالی پڑی ہیں ہم نے ایم پی اے اور اسکے ساتھیوں کو گذشتہ روز ایم بلاک میں پارک کی قیمتی جگہ پر قبضہ کرنے سے روکا تھا جسکا ان کو دکھ تھا اس طرح کے مقدمات سے سیاسی انتقام کا نشانہ بنایا جا رہا ہے جو قابل مذمت ہے۔