محکمہ خوراک کی مبینہ نااہلی،آٹا نایاب،شہری آٹے کے حصول کیلئے دھکے کھانے پر مجبور
بورے والا(چوہدری اصغر علی جاوید سے)محکمہ خوراک کی مبینہ نااہلی،آٹے کے بحران پر قابو پانے میں ناکام،شہری آٹے کے حصول کیلئے دھکے کھانے پر مجبور،فلور ملز ایسوسی ایشن کی ہڑتال تیسرے روز بھی جاری،ڈی ایف سی وہاڑی اپنی نااہلی پر پردہ ڈالنے کیلئے فلور ملز کے خلاف انتقامی کاروائیوں پر اتر آیا ہے،فلور ملز ایسوسی ایشن،ایک فلور ملز کو گندم کا وافر کوٹہ دیکر بحران پر قابو پانے کی کوشش بھی کامیاب نہ ہو سکی،تفصیلات کے مطابق بورے والا سمیت ضلع بھر میں ڈی ایف سی وہاڑی کی جانب سے فلور ملز کے خلاف بوگس کاروائیوں اور بلاجواز جرمانوں کے خلاف ضلع بھر میں فلور ملز کی ہڑتال تیسرے روز بھی جاری رہی ڈی ایف سی نے ہڑتال کرنے والی ملز کا کوٹہ معطل کر کے ایک منظور نظر ملز کر دیکر آٹے کے پیدا شدہ بحران پر قابو پانے کی جو کوشش کی تھی اس میں بھی بری طرح ناکام ہو گئے ہیں شہری آٹے کے حصول کیلئے مارے مارے پھر رہے ہیں نواحی آبادیوں میں دوکانوں پر آٹا غائب ہے اور شہری خوار ہونے پر مجبور ہیں محکمہ خوراک کی طرف سے آٹے کی تیاری میں مصروف ایک فلو ملز اس بحرانی کیفیت میں ضرورت کے مطابق آٹا فراہم کرنے میں ناکام نظر آ رہی ہے جبکہ فلور ملز ایسوسی ایشن اور ڈی ایف سی کے مابین ایکدوسرے کے خلاف جاری محاذ آرائی نے شہریوں کو دو وقت کی روٹی سے بھی محروم کر دیا ہے فلور ملز ایسوسی ایشن کا الزام ہے کہ نئے تعینات ہونے والے ڈی ایف سے تمام فلور ملز کو 50 ہزار ماہانہ بھتہ دینے کا کہا تھا جس سے انکار پر انہوں نے ریکارڈ مکمل ہونے کے باوجود بوگس طریقے سے فلور ملز کو بھاری جرمانے کر کے ان کا کوٹہ بھی معطل کر دیا جسکے خلاف فلور ملیں احتجاجا بند ہیں جبکہ ڈسٹرکٹ فوڈ کنٹرولر چوہدری خالد آرائیں کے مطابق بورے والا کی ایک فلور ملز نے بوگس سیل پوائنٹ بنایا تھا وہ محکمہ نے پکڑ کر اسے جرمانہ کیا اور اسکا پانچ دن کا گندم کا کوٹہ منسوخ کر دیا جنہوں نے محکمہ کو بلیک میل کرنے کیلئے دیگر فلور ملز کو ساتھ ملا کر ہڑتال کر دی لیکن ہڑتال سے ہمیں کوئی فرق نہیں پڑتا کیونکہ ابھی بھی چھ فلور ملیں آٹا سپلائی کر رہی ہیں اور آٹے کی کوئی قلت نہیں۔
About Author
