ملکی سرحدوں کی حفاظت کیلئے کسان پاک فوج کے ساتھ شانہ بشانہ کھڑے ہیں۔ذوالفقار اعوان
بورے والا(چوہدری اصغر علی جاوید سے)سیاسی و سماجی،مذہبی،کسان اور نمائندہ شہری تنظیموں کے زیر اہتمام جشن آزادی کی تقریبات اور ریلیوں کا انعقاد،کشمیریوں سے بھی اظہار یکجہتی،شہر میں سبز ہلالی پرچموں کی بہار،تفصیلات کے مطابق ملک بھر کی طرح بورے والا میں بھی 73 واں یوم آزادی پورے ملی جوش و جذبہ کے ساتھ منایا گیا اس موقع پر جشن آزادی کا کیک کاٹنے کے علاوہ ریلیوں کا بھی انعقاد کیا گیا پاکستان کسان اتحاد کے سینکڑوں کارکنوں کی ریلی کا انعقاد ہوا ضلعی صدر ملک ذوالفقار اعوان کی قیادت میں کسان اتحاد کے دفتر سے نکالی گئی ریلی میں 400 میٹر لمبا قومی پرچم کسانوں نے ہاتھوں میں تھام رکھا تھا کسانوں کی یہ ریلی ملتان روڈ،کالج روڈ،وہاڑی بازار اور چونگی نمبر 5 سے ہو کر واپس کسان اتحاد کے دفتر جا کر اختتام پذیر ہوئی،ریلی میں ندیم سجاد جٹ،میاں طاہر کمبوں،انور سجاد،محمد یٰسین،ڈاکٹر حسن چیمہ،عمران وڑائچ،چوہدری محبوب منہاس،رشید چیئرمین،عباس سنگھیڑا،چوہدری مہران علی،طیب واہلہ،الیاس گل،ریاض جملیرا،محبوب خاں سلدیرا،چوہدری اصغر،شمشاد جٹ،عبدالبصار اور دیگر کسان راہنماوں نے بھی شرکت کی ریلی سے خطاب میں ملک ذوالفقار اعوان نے کہا کہ آزادی ایک عظیم نعمت ہے جس کیلئے ہمارے بزرگوں نے جان کی قربانیاں دیں آج ہم اس آزادی کی بدولت اس وطن عزیز کی تعمیر و ترقی کیلئے جدوجہد کریں اور پاک فوج کے شانہ بشانہ ملکی سرحدوں کی حفاظت کیلئے کسی قربانی سے دریغ نہ کریں کشمیر کی آزادی کیلئے ہمیں ہر محاذ پر جدوجہد کرنی ہے اور انکو بھارتی تسلط،ظلم و جبر سے نجات دلانی ہے جماعت اسلامی کے ضلعی امیر جاوید حسین شاہ،تحصیل امیر عبدالوحید خالد،محمد رمضان سلیمی،عطاء الرحمان منا،باﺅ محمد اشفاق اور دیگر راہنماﺅں کی قیادت میں کریسنٹ ماڈل سکول سیٹلائٹ ٹاﺅن سے ریلی کا انعقاد کیا گیا جو پریس کلب کے باہر آ کر اختتام پذیر ہوئی جس میں شرکاء نے پاکستانی اور کشمیری پرچم ہاتھوں میں تھامے ہوئے تھے پاکستان زندہ باد اور کشمیر کی آزادی کے حق میں نعرے بازی کی گئی مقررین نے کہا کہ آج کے دن ہمیں لاکھوں جانوں کی قربانیوں کے نتیجہ میں ایک آزاد وطن نصیب ہوا لیکن آزادی کی قدر کشمیر کے مظلوم مسلمانوں سے پوچھئے جو ایک سال سے بھارتی درندوں کے کرفیو کے دوران انسانیت سوز مظالم کا مقابلہ کرتے ہوئے آزادی کی جنگ لڑ رہے ہیں آج ہم ان مظلوم نہتے کشمیریوں کے ساتھ کھڑے ہیں اور انکی جدوجہد آزادی میں انکے شانہ بشانہ ہیں دریں اثناء تحریک لبیک کے ضلعی امیر پیر سید اسماعیل شاہ محمدی سیفی کی قیادت میں ریلی کا انعقاد کیا گیا جشن آزادی کے حوالے سے نکالی گئی ریلی کا آغاز فوارہ چوک سے ہوا اور پریس کلب کے باہر آ کر اختتام پذیر ہوئی شرکاء نے پاکستانی اور کشمیری پرچم اٹھا رکھے تھے کشمیریوں سے اظہار یکجہتی بھی کیا گیا۔
About Author
