مسلم لیگ(ن) نے اقلیتوں کے ساتھ بھائی چارے کی فضاء قائم کی ہے۔نذیر آرائیں،شاہد ڈوگر

بورے والا(چوہدری اصغر علی جاوید سے)قومی اقلیت ڈے کے حوالے سے مسلم لیگ(ن) کے ممبر قومی اسمبلی چوہدری فقیر احمد آرائیں اور سابق این اے چوہدری نذیر احمد آرائیں کے آفس میں ایک تقریب منعقد ہوئی تقریب سے خطاب کرتے سابق ممبر قومی اسمبلی چوہدری نذیر احمد آرائیں اور ممبر صوبائی اسمبلی سردار خالد محمود ڈوگر کے بھائی سردار شاہد ڈوگر نے کہا کہ پاکستان میں بسنے والی اقلیتوں کو آئین کے مطابق اپنی مذہبی عبادات اور رسومات کی اجازت ہے وہ ہمارے بھائی ہیں مسلم لیگ(ن) نے اقلیتوں کے ساتھ محبت اور بھائی چارے کی فضاء قائم کی ہے اس موقع سابق چیئرمین یونین کونسل سردار محمد اقبال ڈوگر،ضلعی صدر مسلم لیگ(ن) یوتھ ونگ منظور برکت ماڑی والا،چوہدری فرخ اسلام،پی ایس او محمد شاہد،مسیحی مذہبی لیڈر کیتھولک چرچ تحصیل بورے والا کے انچارج محترم فادر سلیم حفیظ،پادری حلیم،پادری اصغر،جاوید لاہوری،منیر نواب،پرویز عنایت،گلزار مسیح، شہباز شریف،غلام مسیح بھٹو،پرویز مسیح،ڈاکٹر وسیم رندھاوا،روبنسن گھوش،خالد غوری،چوہدری جمیل مسیح سندھو،جیمس بھٹی،رانا آرتھر جان،ماسٹر منیر مسیح گل،بابر اور مسیحیوں کی کثیر تعداد نے شرکت کی تقریب سے خطاب کرتے ہوئے سابق ممبر ضلع کونسل وہاڑی نذیر مسیح رندھاوا نے کہا کہ قائد تحریک شہید حق شہباز بھٹی کی کاوشوں اور قربانیوں کو خراج تحسین پیش کرتے ہیں ممبر قومی اسمبلی چوہدری فقیر احمد آرائیں،ممبران صوبائی اسمبلی سردار خالد محمود ڈوگر،چوہدری محمد یوسف کسیلیہ اور سابق ممبر قومی اسمبلی چوہدری نذیر احمد آرائیں کا آفس وہ واحد سیاسی ڈیرہ ہے جس نے ہمیشہ مسیحی برادری کے ساتھ اظہار یکجہتی کرتے ہوئے کرسمس،ایسٹر ڈے اور کوئی بھی مسیحی تہوار مسیحی برادری کے ساتھ منایا ہے تقریب کے اختتام سے قبل پیارے وطن پاکستان کی بقاء،ترقی،امن و سلامتی اور استحکام کیلئے خصوصی دعا کی گئی اور یوم اقلیت ڈے کے سلسلہ میں کیک کاٹا گیا۔