سول سوسائٹی کے زیراہتمام تاجروں،وکلاء،کسانوں اور دیگر سیاسی و مذہبی تنظیموں کی یوم استحصال کشمیر ریلی

بورے والا(چوہدری اصغر علی جاوید سے)کشمیر کے مظلوم مسلمانوں سے اظہار یکجہتی کیلئے سول سوسائٹی نیٹ ورک کے زیر اہتمام تاجروں،وکلاء،ڈاکٹروں اور سیاسی و مذہبی تنظیموں کی طرف سے یوم استحصال کشمیر جوش جذبہ کے ساتھ منایا گیا،ریلی اور کشمیر کیلئے ایک منٹ کی خاموشی اختیار کی گئی،تفصیلات کے مطابق ملک کے دیگر شہروں کی طرح بورے والا میں بھی سول سوسائٹی نیٹ ورک کے پیٹرن انچیف شیخ شہزاد مبین کی قیادت میں انجمن تاجران،کسان اتحاد،بار ایسوسی ایشن،پی ایم اے،پرائیویٹ سکولز ایسوسی ایشن،ٹائیگر فورس،تحریک انصاف،مسلم لیگ(ن)،جماعت اسلامی،سیاسی و سماجی اور مذہبی تنظیموں کی طرف سے یوم استحصال کشمیر کے حوالہ سے ایک ریلی نکالی گئی جس میں سوسائٹی نیٹ ورک کے پیٹرن انچیف شیخ شہزاد مبین،پی ٹی آئی جنوبی پنجاب کے جوائنٹ سیکرٹری ملک فاروق اعوان،سابق صدر بار ملک فرقان یوسف کھوکھر،ضلعی صدر کسان اتحاد ملک ذوالفقار اعوان،ضلعی صدر مرکزی انجمن تاجران حاجی محمد جمیل بھٹی،ایم ایس ٹی ایچ کیو ڈاکٹر عمران بھٹی،ڈی ڈی ایچ او ڈاکٹر شاہد اقبال،انجمن صنعتکاران کے جنرل سیکرٹری چوہدری شاہد نذیر،ڈپٹی کنونیئر سول سوسائٹی چوہدری اصغر علی جاوید،سید زاہد حسین مشہدی،حافظ جنید احمد،سابق صدر پریس کلب اصغر علی جاوید (کامریڈ)،انجمن کریانہ ایسوسی ایشن راﺅ نور محمد،جماعت اسلامی کے عبدالوحید خالد،پرائیوٹ سکول ایسوسی ایشن کے صدر عبدالسلام دانش،صدر پریس کلب ندیم مشتاق رامے،صدر ”ایمرا“ ندیم انجم سندھو ،صدر پی ایم اے ڈاکٹر سجاد ڈھلوں،انجمن تاجران کے چیئرمین شہزاد مصطفی چوہان،صدر چوہدری شوکت علی،احمد کامران تھہیم،محمد شیر خاں کھچی،شاہد ندیم بھٹی،مسعود عابد رشید،محمد کریم سیفی،سمی جٹ،کاشف اقبال چوہدری،چوہدری شاہد سلیم،ٹائیگرز فورس کے نوجوان اور نمائندہ شہریوں کی کثیر تعداد نے شرکت کی ریلی کا آغاز پریس کلب سے شروع ہوا اور گول چوک سے ہو کر واپس پریس کلب کالج روڈ آ کر اختتام پذیر ہوئی ریلی کے شرکاء نے پلے کارڈز،کشمیری پرچم اور بینرز بھی اٹھا رکھے تھے جن پر کشمیر پر بھارتی مظالم کے خلاف نعرے درج تھے ریلی سے قبل سائرن بجا کر ایک منٹ کی خاموشی اختیار کی گئی اور پاکستانی قومی ترانے کے ساتھ کشمیر کا قومی ترانہ بھی بجایا گیا ریلی کے شرکاء نے کشمیر کے حق میں اور بھارت کی غاصبانہ قبضے کے خلاف نعرے بازی بھی کی فضاء کشمیر بنے کا پاکستان کے نعروں سے گونج اٹھی آخر میں کشمیر کے نہتے مظلوم مسلمانوں کیلئے خصوصی دعا بھی کی گئی۔