بار ایسوسی ایشن کے ہنگامی اجلاس میں بورے والا کو ضلع بناﺅ کے حوالہ سے قرار داد منطور
بورے والا(چوہدری اصغر علی جاوید سے)بار ایسوسی ایشن بورے والا کے ہنگامی اجلاس میں بورے والا کو ضلع بناﺅ کے حوالہ سے قرار داد منطور،آئندہ ہفتے شہر کی تمام سیاسی،سماجی،مذہبی،کاروباری،علمی اور دیگر نمائندہ تنظیموں سے ملکر ضلع بناﺅ تحریک شروع کرنے کا فیصلہ،بورے والا کو ضلع بنوا کر دم لیں گے،بورے والا بار،تفصیلات کے مطابق بار ایسوسی ایشن بورے والا کے صدر نوید احمد چیمہ کی زیر صدارت بار کی ایگزیکٹو کونسل کا ہنگامی اجلاس بار روم میں منعقد ہواجس میں بار کے عہدیداران کی طرف سے سیکرٹری بار کاشف مقبول جٹھول نے قرار داد پیش کی جس میں حکومت سے مطالبہ کیا گیا کہ بورے والا پنجاب میں آبادی کے اعتبار سے 13واں بڑا شہر ہے،کاروباری حوالہ سے پنجاب میں اہم مقام رکھتا ہے اور ”دی سٹی آف ایجوکیشن و سپورٹس“ کا درجہ حاصل ہے لیکن 1976 کے بعد اب تک اس شہر کو نظر انداز کیا گیا ہم وزیر اعلیٰ پنجاب سے مطالبہ کرتے ہیں کہ بورے والا کو فوری طور پر ضلع جبکہ گگومنڈی اور ماچھیوال کو تحصیلوں کا درجہ دیکر اس ضلع کو ساہیوال ڈویژن میں شامل کیا جائے اجلاس میں فیصلہ کیا گیا کہ آئندہ ہفتے سے بورے والا کی سول سوسائٹی،تمام سیاسی و سماجی،مذہبی،کاروباری،تعلیمی اور دیگر نمائندہ تنظیموں سے ملکر بورے والا ضلع بناﺅ تحریک کا باقاعدہ آغاز کر دیا جائے گا بورے والا بار اس تحریک کو نتیجہ خیز بنانے کیلئے اگر احتجاج کا رستہ بھی اختیار کرنا پڑا تو کریں گے اجلاس میں پی ٹی آئی جنوبی پنجاب کے جوائنٹ سیکرٹری ملک فاروق اعوان،سابق صدر بار چوہدری اشرف ڈھلوں،ضلعی جنرل سیکرٹری انصاف لائرز فورم محمد عرفان قاضی،مبین احمد بھٹی،حسیب الرحمان،وقاص شریف بھٹی،رانا زاہد جاوید اور دیگر وکلاء نے بھی شرکت کی۔
About Author
