بااثر افراد نے ڈنڈوں اور سوٹوں سے حملہ کر کے دو خواتین سمیت 10 افراد زخمی کر دیا

بورے والا(چوہدری اصغر علی جاوید سے)بااثر افراد کا پانچ روز میں دوسری بار زمیندار کے گھر پر دھاوا،ڈنڈوں اور سوٹوں سے دو خواتین سمیت 10 افراد زخمی،ملزمان کا پولیس کی موجودگی میں چھت پر چڑھ کر پتھراﺅ،واقعہ کے خلاف متاثرہ افراد کا ملتان روڈ پر احتجاجی مظاہرہ،تفصیلات کے مطابق بورے والا کی نواحی آبادی اقبالنگر میں محلے کے بااثر افراد چوہدری فرخ اسلام نے دیگر ساتھیوں محمد طارق،سعید احمد،محمد عامر اور محمد علی سمیت 15 سے زائد افراد کے ہمراہ مقدمہ بازی کی رنجش پر پانچ روز میں دوسری بار اسی محلے کے زمیندار مہر شبیر حسین اور مہر خالد سعید پٹواری کے گھر پر دھاوا بول کر ڈنڈوں اور سوٹوں کے وار سے دو خواتین سمیت 10 افراد مہر شبیر حسین،مہر خالد سعید پٹواری،جاوید اقبال،عامر اسلام،ساجد منظور،آصف منظور وغیرہ اور دو خواتین کو شدید زخمی کر دیا اطلاع ملنے پر تھانہ ماڈل ٹاﺅن پولیس موقع پر پہنچی تو ملزمان نے اپنی چھت پر چڑھ کر گلی میں شدید پتھراﺅ شروع کر دیا جس سے متعدد افراد زخمی ہوئے اس واقعہ کے خلاف متاثرہ افراد نے زخمیوں کو ملتان روڈ پر لٹا کر احتجاجی مظاہرہ کیا جس سے ٹریفک بلاک ہو گئی ایس ایچ او تھانہ ماڈل ٹاﺅن نے موقع پر پہنچ کر مظاہرین کو ملزمان کی گرفتاری اور مقدمہ کے فوری اندراج کی یقین دہانی کروائی تو مظاہرین منتشر ہو گئے زخمیوں کو ٹی ایچ کیو ہسپتال منتقل کر دیا گیا جہاں دو زخمیوں کی حالت نازک بیان کی جاتی ہے پولیس نے پہلے واقعہ کا مقدمہ حسیب احمد کی مدعیت میں درج کر لیا ہے اور ملزمان کی گرفتاری کیلئے چھاپے مارنا شروع کر دیئے ہیں۔