حساس ادارے کے ریٹائرڈ ملازمین اور بیوگان کا پینشن نہ ملنے پر پوسٹ آفس میں احتجاج
بورے والا(چوہدری اصغر علی جاوید سے)پوسٹ آفس بورے والا میں پینشن کے حصول کیلئے آنے والے حساس اداروں کے (ر) ملازمین اور بیوگان خوار ہو کر رہ گئیں،پینے کیلئے نہ پانی اور نہ ہی بیٹھنے کی جگہ،دھکم پیل سے کورونا وائرس کے ایس او پیز بھی نظر انداز،پینشنرز کا ناقص انتظامات اور خواری کے خلاف احتجاج،دھکم پیل کے دوران پوسٹ آفس کاﺅنٹر کا شیشہ ٹوٹ گیا،تفصیلات کے مطابق ملک و قوم کی حفاظت میں اپنی زندگیاں گزارنے والے حساس اداروں کے (ر) ملازمین اور بیوگان کیلئے ماہانہ پینشن کا حصول عذاب بن کر رہ گیا پوسٹ آفس بورے والا میں ہر ماہ پینشن کے حصول کیلئے آنے والے سینکڑوں پینشنرز قیامت خیز گرمی اور حبس میں پینے کیلئے پانی اور بیٹھنے کیلئے کوئی جگہ نہ ہونے پر بھیڑ بکریوں کی طرح خوار ہونے پر مجبور ہو گئے لمبی قطاریں اور دھکم پیل کی وجہ سے بوڑھے پینشنرز کئی کئی گھنٹے خوار ہو کر رھ گئے پینشنرز صوبیدار محمد سریف،حوالدار محمد علی،صوبیدار محمد یعقوب،لانس نائیک محمد سردار،خادم حسین اور دیگر نے اس بدنظمی،ناقص انتظامات اور پینشنرز سے مبینہ طور پر رشوت وصول کرنے کا الزام عائد کرتے ہوئے احتجاج کے دوران میڈیا سے گفتگو کرتے ہوئے کہا کہ انہوں نے اپنی ساری زندگی قوم کیلئے صرف کر دی لیکن ہمارے ساتھ یہ سلوک کیا جا رہا ہے صبح سات بجے سے یہاں کھڑے ہیں یہاں نہ بیٹھنے کا کوئی انتظام نہ پینے کیلئے پانی ہے ہم جائیں تو کہاں جائیں پینشنرز نے الزام عائد کیا کہ جس کاپی میں 100/200 روپے رکھ کر دے دیئے جائیں اسے فوری پینشن مل جاتی رشوت نہ دینے والے خوار ہوتے ہیں دھکم پیل کے دوران کاﺅنٹر کا شیشہ ٹوٹنے پر پوسٹ آفس کے ملازم ماجد حسین سکنہ 447 (ای بی) نے پینشنرز سے بدتمیزی کرتے ہوئے ایک بزرگ پینشنر محمد سردار (ر) لانس نائیک کی پینشن بک زبردستی چھین لی اور اسے سخت گرمی میں دو گھنٹے تک باہر کھڑا کئے رکھا نمائندہ شہریوں کی مداخلت پر اسے کاپی واپس دی پوسٹ آفس میں کورونا وائرس سے بچاﺅ کے کسی بھی ایس او پیز پر عمل نہیں ہو رہا معاملہ جوں کا توں ہے احتجاج مجبورا ختم کرنا پڑا جبکہ انچارج پوسٹ ماسٹر محمد اسلم کے مطابق کیش تاخیر سے ملنے کی وجہ سے ادئیگیوں میں کچھ تاخیر ہوئی کیش ملتے ہی پینشن کی ادائیگی شروع کر دی تھی پینشنرز کیلئے ہمارے پاس بٹھانے کی کوئی گنجائش نہیں کوشش کی جاتی ہے کہ انکو جلد ادائیگیاں کر دی جائیں۔
About Author
